पुणे: मुंबई- पुणे एक्सप्रेस वे वरती भीषण अपघात (Mumbai Pune Expressway) झाला आहे. ६ गाड्या एकमेकांना धडकल्यामुळे विचित्र अपघात झाला आहे. या अपघातात ४ जणांचा जागीच मृत्यू झाला आहे. पुण्यावरून मुंबईला जाणाऱ्या लेनवर खोपोलीजवळ हा भीषण अपघात (Khopoli) झाला आहे.

पहा व्हिडिओ-

कार, कंटेनरसह ४ वाहनांचा भीषण आणि विचित्र अपघात (Accident) झाला आहे. २ कंटेनरच्या (container) मधोमध कार अडकल्यामुळे हा अपघात झाला आहे. हा अपघात इतका भीषण होता की, ४ जणांचा जागीच मत्यू झाला आहे. तर ३ जण गंभीर जखमी झाले आहेत आणि ५ किरकोळ जखमी झाले आहेत.

हे देखील पहा-

जखमींना पनवेलच्या (Panvel) एम जी एम रूग्णालयामध्ये (hospital) हलविण्यात आले आहे. घटनास्थळी महाराष्ट्र सुरक्षा दल ,देवदूत रेस्क्यू टीम आणि खोपोली, खंडाळा, महामार्ग पोलीस (Police) दाखल झाले आहेत. या अपघातामुळे वाहतूक मोठ्या प्रमाणात विस्कळीत झाली आहे. एकूण ६ गाड्यांमध्ये हा अपघात झाला आहे.

यामध्ये २ कंटेनर, एक वेन्यू कार, एक ट्रक, एक आयशर टेम्पो आणि एका स्विफ्ट गाडीचा समावेश आहे. या अपघातात वेन्यू कारचा अक्षरश: चक्काचूर झाला आहे. कंटेनरचा ब्रेक फेल झाल्यामुळे हा भीषण अपघात झाला असावा असा प्राथमिक अंदाज वर्तवण्यात येत आहे. मात्र, अद्याप या अपघाताचे नेमकं कारण समोर येऊ शकले नाही. या प्रकरणाचा अधिक तपास पोलीस करत आहेत.

Edited By- Digambar Jadhav