अभिजीत देशमुख, कल्याण

Kalyan Ram Mandir :

माघी गणेशोत्सव काही दिवसांवरून येऊन ठेपला आहे. माघी गणेशोत्सवाच्या पार्श्वभूमीवर कल्याणमध्ये ७० फुटी अतिभव्य अशा श्रीराम मंदिराची प्रतिकृती साकारण्यात येणार आहे. कल्याण पश्चिमेचे आमदार विश्वनाथ भोईर यांच्या संकल्पनेतून ही प्रतिकृती साकारण्यात येणार आहे. (Latest Marathi News)

कल्याण पश्चिम येथील आमदार विश्वास भोईर यांनी संकल्पनेतून श्री कॉम्प्लेक्स परिसरातील आत्माराम भोईर चौकात ही प्रतिकृती साकारण्यात येणार आहे. कल्याण पश्चिम येथे शिवप्रेमी माघी गणेशोत्सव मंडळातर्फे दरवर्षी भव्य स्वरुपात माघी गणेशोत्सव साजरा केला जातो. यंदा या मंडळाचे माघी गणेशोत्सवाचे ३० वे वर्ष आहे. या मंडळाकडून माघी गणेशोत्सवानिमित्त श्रीराम मंदिराची प्रतिकृती साकारण्यात येत आहे  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कल्याणमधील या माघी गणेशोत्सवाला राज्याचे मुख्यमंत्री एकनाथ शिंदे यांनी दर्शनासाठी येणार असल्याचे मंडळाला आश्वासन दिलं आहे. या श्रीराम मंदिराची प्रतिकृती ४० फूट लांब, ९० फूट रुंद आणि ७० फूट उंच इतकी भव्य असणार आहे.

भक्तांना थेट आतमध्ये प्रवेश करून या मंदिराची रचना पाहता येणार आहे. येत्या १३ फेब्रुवारीला माघी गणेशोत्सवाला प्रारंभ होणार आहे. यामुळे पुढील आठवडाभर म्हणजे १९ फेब्रुवारीपर्यंत नागरिकांनी प्रतिकृती येणार आहे.

आळंदीत गीता भक्ती अमृत महोत्सवाचे आयोजन

आळंदी येथे श्री गोविंददेव गिरीजी महाराज महाराज यांच्या 75 व्या अमृत महोत्सव निमित्ताने गीता भक्ती अमृत महोत्सव आयोजित करण्यात आला आहे. 4 फेब्रुवारी ते 11 फेब्रुवारी दरम्यान महोत्सव आयोजित करण्यात आला आहे. या सोहळ्याच्या निमित्ताने देशभरातील साधु, संत मंडळी अलंकापुरीत दाखल झाल्याने अलंकापुरीचं वातावरण भक्तीमय झाला आहे.

या महोत्सवामध्ये भजन, कीर्तन आणि वेदांने पठण करण्यात येत आहे. तसेच साधु, संत मंडळीचे सत्संग देखील आयोजित करण्यात आला आहे. आज काची पिठाचे शंकराचार्य शंकर विजेंद्र सरस्वती शंकराचार्य महाराज यांच्या प्रमुख उपस्थितीत गीता भक्ती अमृत महोत्सव कार्यक्रम आयोजित करण्यात आला आहे.