Shreya Maskar
सकाळच्या घाईगडबडीत टिफिनसाठी मसालेदार पनीर भुर्जी बनवा.
पनीर भुर्जी बनवण्यासाठी तेल, बटर , जिरे, कांदा, आलं - लसूण पेस्ट , हळद , लाल तिखट , धणे पूड , मीठ, बेसन, टोमॅटो, मिरची , पनीर , गरम मसाला , कसुरी मेथी आणि कोथिंबीर इत्यादी साहित्य लागते.
पनीर भुर्जी बनवण्यासाठी सर्वप्रथम पॅनमध्ये तेल घालून जिरे, कांदा, आलं - लसूण पेस्ट घालून मिक्स करा.
कांदा गोल्डन फ्राय झाला की, त्यात हळद, लाल तिखट, धणे पूड, जिरे पावडर, चवीनुसार मीठ, बेसन घालून मिश्रण एकजीव करा.
यात चिरलेले टोमॅटो, मिरची आणि पाणी घालून उकळी काढून घ्या.
आता मिश्रणात कुस्करलेला पनीर घालून मिक्स करा.
पनीर छान शिजल्यावर त्यात मसाला, कसुरी मेथी, कोथिंबीर घालून एकजीव करा.
ढाबा स्टाइल चटपटीत पनीर भुर्जीचा चपाती किंवा पावासोबत आस्वाद घ्या.