पुणे: मावळमधील तळेगावचे ग्रामदैवत श्री डोळसनाथ महाराज यांचा चैत्र शुध्द प्रतिपदा गुढीपाडव्याचा उत्सव दोन ते चार एप्रिलपर्यंत विविध धार्मिक कार्यक्रमातून साजरा होणार आहे. गेली दोन वर्षे कोरोना संक्रमणाचा प्रर्दुर्भाव वाढू नये म्हणून शासनाच्या नियमाला अधीन राहून उत्सव साजरा केला होता. या वर्षी विविध धार्मिक, सांस्कृतिक, कुस्ती स्पर्धा, बैलगाडा स्पर्धा आयोजित करण्यात आल्या आहे. तब्बल दोन वर्षानंतर गावातील यात्रा होत असल्याने आणि त्यातच निर्बध हटवल्यामुळे गावातील लोकांमध्ये मोठा उत्साह पहायला मिळत आहे. (Shri Dolasnath Maharaj's Yatra begins in Talegaon)

हे देखील पहा -

तळेगावमधील (Maval) डोळसनाथ महाराज मंदिरात भक्तानी दर्शनसाठी गर्दी केली आहे. त्याचप्रमाणे बैलगाडा शर्यत आणि कुस्तीचेदेखील आयोजन करण्यात आले आहे. कुस्त्यांचे जंगी मैदान भरविण्यात येणार आहे. यासाठी एकून पाच लाख पाच हजार 555 रुपयापर्यंत बक्षिसे ठेवली आहेत. तसेच चांदीच्या गदा, शिवप्रतिमा आदि रोख बक्षिसे देखील ठेवण्यात आली आहेत. दरम्यान श्री डोळसनाथ महाराज यांचे मंदिर शिवाजी महाराजांच्या काळातील आहे. याचा जीर्णोद्धार सरसेननी उमाजी राजे दाभाडे सरकार यांनी केला होता, मात्र यालाही शंभर वर्ष पूर्ण झाली आहेत.

Edited By - Akshay Baisane