मुंबईमध्ये भयंकर घटना घडली. भररस्त्यावर एका तरुणाने कुत्र्यावर अनैसर्गिक अत्याचार केले. मुंबईतल्या जोगेश्वरीमध्ये ही घटना घडली. एका तरुणाने हा सर्व धक्कादायक प्रकार समोर आणला. त्याने याचा व्हिडीओ काढला. तरुणाने हटकल्यानंतर या तरुणाने कुत्र्याला सोडून दिलं. या घटनेचा व्हिडीओ सध्या सोशल मीडियावर व्हायरल होत आहे.

मिळालेल्या माहितीनुसार, जोगेश्वरीच्या वैशालीनगरमध्ये ही धक्कादायक घटना घडली. रात्रीच्या अंधारामध्ये एक तरुण रस्त्याच्या कडेला पार्क करण्यात आलेल्या वाहनांच्या आडोशाला बसून कुत्र्यावर अनैसर्गिक अत्याचार करत होता. एका तरुणाने हा सर्व धक्कादायक प्रकार पाहिला आणि त्याने या तरुणाला हटकले. तरुणाला पाहून बिथरलेल्या या व्यक्तीने कुत्र्याला सोडून दिलं.

त्यानंतर हा तरुण तिथून उठून निघून गेला. व्हिडीओमध्ये दिसत आहे की, हा तरुण व्हिडीओ काढणाऱ्या तरुणाकडे रागाने पाहत आहे. त्यानंतर व्हिडीओ काढणारा तरूण या तरुणाला थांब तू तुला पोलिस ठाण्यात नेतो असे म्हणतो. या घटनेचा व्हिडीओ सध्या सोशल मीडियावर सर्वांचे लक्ष वेधून घेत आहे. नेटकऱ्यांनी यावर संताप व्यक्त केला आहे. आरोपी तरुणावर कठोर कारवाई करण्याची मागणी नेटकऱ्यांनी केली आहे.

दरम्यान, उत्तर प्रदेशमध्ये अशीच घटना घडली. एका तरुणाने गायीवर दुष्कृत्य केले. उत्तर प्रदेशच्या सहारनपूरमध्ये ही घटना घडली. या घटनेप्रकरणी संताप व्यक्त केला जात आहे. या घटनेचा व्हिडीओ देखील समोर आला असून त्यानंतर पोलिसांनी आरोपीविरोधात कारवाई केली. आरोपीला पकडत असताना त्याने पोलिसांवर गोळीबार केला. तेव्हा पोलिसांनी दिलेल्या प्रत्युत्तरात आरोपीच्या पायाला गोळी लागली. पोलिसांनी आरोपीला अटक केली असून त्याला उपचारासाठी रुग्णालयात दाखल करण्यात आले.