दक्षिण मुंबईतून एक धक्कादायक बातमी समोर येत आहे. ३५ वर्षीय घरकाम करणाऱ्या महिलेवर विवाहित ड्रायव्हरने बलात्कार केला आहे. तसेच आक्षेपार्ह व्हिडिओ काढून आरोपीनं वारंवार तिच्यावर अत्याचार केला आहे. आरोपी हा विवाहित ड्रायव्हर असून, पीडित महिला ज्या घरात काम करते, त्याच मालकाकडे आरोपी ड्रायव्हर म्हणून काम करत होता. दोघेही बिहारचे रहिवासी असून, आरोपीला बलात्कार आणि ब्लॅकमेल करणाच्या आरोपाखाली अटक करण्यात आली आहे.

एमआरए मार्ग पोलिसांनी दिलेल्या माहितीनुसार, जानेवारी २०२४साली आरोपीने पीडितेला धार्मिक विधी करण्याचे सांगून फोर्ट परिसरातील एका हॉटेलमध्ये नेले. तिथे आरोपीने तिला ड्रग्ज घातलेले पेय दिले. काही क्षणात महिला बेशुद्ध पडली. आरोपीनं रूममध्ये तिच्यावर बलात्कार केला. त्यानं बलात्कार करत असताना फोटो आणि व्हिडिओही शुट केले.

या घटनेनंतर आरोपीनं आक्षेपार्ह फोटो आणि व्हिडिओच्या आधारे पीडितेला ब्लॅकमेल केलं. आरोपी वारंवार पीडित महिलेवर बलात्कार करत होता. तिला हॉटेलमध्ये नेत तिच्या शरीराचे लचके तोडत होता. अखेर आरोपीच्या कृत्यांना कंटाळून पीडितेनं पोलीस ठाण्यात धाव घेण्याचा निर्णय घेतला. पीडित महिलेनं पोलीस ठाण्यात धाव घेतली. तसेच पोलिसांना आपबिती सांगितली.

पीएसआय अनिल राठौड आणि पीएसआय वसंती जाधव यांच्या नेतृत्वाखाली एमआरए मार्ग पोलिसांनी पीडितेच्या तक्रारीवरून गुन्हा दाखल केला. तसेच आरोपीला बालेश्वर येथून अटक केली. पोलिसांनी आरोपीकडून एक मोबाईल आणि फोन जप्त केला आहे. जो पोलिसांना फॉरेन्सिक तपासणीसाठी पाठवण्यात आला आहे. आरोपीनं इतर कोणत्याही महिलांसोबत असेच कृत्य केलं आहे का? याचाही तपास पोलिसांकडून सुरू आहे.