Eknath Shinde Government News : शिंदे गट पुन्हा एकदा गुवाहाटीचा दौरा करणार असल्याची माहिती समोर आली आहे. या दौऱ्यादरम्यान शिंदे गटाचे आमदार आणि खासदार कामाख्या देवीचे दर्शन घेऊन आल्यानंतर राज्यात शिंदे सरकारचा मंत्रिमंडळाचा विस्तार होणार असल्याची माहिती सूत्रांनी दिली आहे. (Latest Marathi News)

शिंदे सरकारमधील काही आमदार मंत्रिपद न मिळाल्याने नाराज असल्याची चर्चा होती. त्यामुळे नाराज आमदार सरकारमधून बाहेर पडणार अशी राजकीय वर्तुळात चर्चा सुरू होती. त्या चर्चेवरून राज्यात मध्यावधी निवडणुका लागणार अशी विधान अनेक राजकीय नेत्यांनी केली. त्यानंतर आता शिंदे सरकारने नाराज आमदारांची नाराजी दूर करण्यासाठी मंत्रिमंडळाचा विस्तार करणार आहे, अशी माहिती सूत्रांनी दिली आहे.

शिंदे गट २६ नोव्हेंबर रोजी त्यांच्या आमदार आणि खासदारांसह पुन्हा गुवाहाटीचा दौरा करणार आहे. या गुवाहाटी दौऱ्यात शिंदे गटाचे आमदार आणि खासदार हे कामाख्या देवीचे दर्शन घेणार आहे. कामाख्या देवीचे दर्शन घेतल्यानंतर शिंदे सरकारच्या मंत्रिमंडळाचा विस्तार होणार अशी माहिती सूत्रांनी दिली आहे.

या मंत्रिमंडळ विस्तारात नव्या चेहऱ्यांना संधी देणार असल्याची माहिती देखील सूत्रांनी दिली आहे. गुवाहाटीतून आल्यावर डिसेंबरच्या पहिल्या आठवड्यात हा मंत्रिमंडळाचा विस्तार होऊ शकतो, अशी माहितीही सूत्रांनी दिली आहे.