भरत मोहोळकर, साम टीव्ही

मुंबई : ऐन विधानसभा निवडणुकीच्या तोंडावर महायुती सरकारने मोठा मास्टरस्ट्रोक मारलाय...मुंबईत प्रवेश करणाऱ्या हलक्या वाहनांना टोल माफी कऱण्याचा निर्णय मंत्रिमंडळाच्या बैठकीत घेण्यात आलाय.. ही टोलमाफी कोणत्या नाक्यांवर असणार आहे? पाहूयात...

वाशी टोलनाका

मुलुंड टोलनाका

आनंदनगर टोलनाका

ऐरोली टोलनाका

दहिसर टोलनाक्यांवर हलक्या वाहनांना टोलमाफी करण्यात आलीय..

मुंबईच्या प्रवेशद्वारावरच्या हलक्या वाहनांना सरकारने टोलमाफी करण्याचा निर्णय घेतला असला तरी ही हलकी वाहनं कोणती आहेत? पाहूयात....

हलकी वाहनं म्हणजे काय?

जीप, कार, ऑटो रिक्षा आणि टॅक्सीचा समावेश

वाहनाचं वजन 7500 किलोपेक्षा कमी असावे

हलक्या वाहनाची इंजिन क्षमता 500 CC किंवा त्यापेक्षा कमी असते

हलक्या वाहनांची नंबर प्लेट पांढऱ्या रंगाची असते

सर्वसामान्य प्रवाशांनी सरकारच्या निर्णयाचं स्वागत केलंय.. मात्र हा निर्णय निवडणूकीपुरता तर नाही ना? अशी शंका उपस्थित केलीय.. दुसरीकडे हा ऐतिहासिक मास्टरस्ट्रोक असून निवडणुकीनंतरही टोलमाफी कायम राहणार असल्याचं मुख्यमंत्री एकनाथ शिंदेंनी म्हटलंय.

हलक्या वाहनांना 'टोल फ्री'

राज्य सरकारच्या टोलमाफीच्या निर्णयाचा सर्वसामान्यांना किती फायदा आणि किती तोटा? पाहूयात...

दहिसर, आनंदनगर, वाशी आणि ऐरोली नाक्यावर 45 रुपये टोल

मुलुंड टोलनाक्यावर 75 रुपये टोलमाफी

टोलमाफीची मुदत 2026 पर्यंत

मुंबईतील 2 लाख 80 हजार हलक्या वाहनांना होणार फायदा

टोलमाफीमुळे दरवर्षी सरकारला 500 कोटींचा भुर्दंड सहन करावा लागणार आहे.

टोलमाफीच्या निर्णयामुळे सर्वसामान्यांना दिलासा एवढंच नाही तर राज ठाकरेंना पुन्हा जवळ कऱण्याचा प्रयत्न असल्याची चर्चा आहे. त्यामुळे हा मास्टरस्ट्रोक महायुतीला फायद्याचा ठरणार का? याकडे लक्ष लागलंय.