Sharad Pawar Latest Press Conference: ''आमच्यात (NCP - BJP) अनेक गोष्टींची चर्चा झाली. ही गोष्ट खरी आहे. पण त्यांनी स्वतःच सांगितलं आहे काल, याबाबरदल मी दोन दिवसांनी धोरण बदललं. मग शपथ घायचं दोन दिवसांनी काय कारण होतं आणि तीही चोरून पहाटे घेण्याचं काय कारण,'' असं म्हणत राष्ट्रवादीचे सर्वेसर्वा शरद पवार यांनी उपमुख्यमंत्री देवेंद्र फडणवीस यांना खडेबोल सुनावले आहेत.

एका वृत्तवाहिनीला दिलेल्या मुलाखतीत देवेंद्र फडणवीसांनी पहाटेच्या शपथविधीवरून शरद पवार यांच्याबाबत काही धक्कादायक खुलासे केले होते. यावरच आता शरद पवार यांनी प्रत्युत्तर देत फडणवीस यांच्यावर हल्लाबोल केला आहे.

काय म्हणाले शरद पवार?

शरद पवार म्हणाले की, ''निवडणूक (2014 ची) झाल्याच्या नंतर त्यांना (भाजपला) बाहेरून पाठिंबा देण्याची भूमिका मी घेतली होती. नंतर द्यायची वेळ आली नाही. मात्र ते देण्या मागं आमचं काही करणं होतं.''  (Latest Marathi News)

ते म्हणाले, ''यानंतरच्या काळामध्ये त्यांनी (देवेंद्र फडणवीस यांनी) जे सांगितलं आहे, आमच्यात अनेक गोष्टींची चर्चा झाली. ही गोष्ट खरी आहे. पण त्यांनी स्वतःच सांगितलं आहे काल, याबाबरदल मी दोन दिवसांनी धोरण बदललं. मग शपथ घायचं दोन दिवसांनी काय कारण होतं आणि ती चोरून पहाटे घेण्याचं काय कारण?''

पवार पुढे म्हणाले की, पवार म्हणाले, ''आमचा पाठिंबा होता, तर दोन दिवस तरी ते सरकार राहिलं का तिथं, दोन दिवसात त्यांची सत्ता गेली. त्यांना त्यांचा राजीनामा द्यावा लागला. याचा स्पष्ट अर्थ आहे की, सत्तेसाठी आम्ही (भाजप) कुठी जाऊ शकतो. ही जी त्यांची बाजू आहे, ती एकदा समाजासमोर यावीत, त्या दृष्टीने काही गोष्टी केल्यात.''

फडणवीस काय म्हणाले होते?

एका वृत्तवाहिनीला दिलेल्या मुलाखतीत देवेंद्र फडणवीसांनी म्हणाले होते की, ''2019 मध्ये भाजप-राष्ट्रवादीने सरकार स्थापन करण्याचं ठरलं होतं. त्यावेळी राष्ट्रवादीतील काही लोक भाजपच्या संपर्कात होते. सरकार स्थापनेबाबत शरद पवार यांच्यासोबतही बैठक पार पडली होती. सरकार स्थापनेचे सर्व अधिकार मला आणि अजित पवार यांना दिले होते. त्यानुसार आम्ही तयारी केली. मात्र 3-4 दिवसातच शरद पवार मागे हटले आणि अजित पवारांकडेही पर्याय उरला नाही.''