Mumbai News :

गणेशोत्सवाच्या पहिल्याच दिवशी पोलीस परिवाराला 'बाप्पा' पावला आहे. येत्या २१ सप्टेंबरला पोलिसांच्या घरांची लॅाटरी निघणार आहे. वरळी, नायगांव, डीलाईरोडमधील बीडीडी चाळीतल्या पोलिसांना हक्काचं घर मिळणार आहे.

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी पोलिसांनी १५ लाखात घरं देण्याचा निर्णय घेतला आहे. पोलिसांच्या लॅाटरीनंतर लगेच घरांचे करार सुरु होणार आहेत.

गेली अनेक वर्ष हक्काच्या घरांसाठी पोलीस परिवाराचा संघर्ष सुरु होता. पोलिसांच्या करारानंतर शिंदे-फडणवीसाचं वरळीत जंगी स्वागत होणार आहे. (Latest Marathi News)

वरळी बीडीडी चाळ येथील चाळ २२ ते २८, ६४ ते ७४ व ७७ मधील पुनर्विकास प्रकल्पातील लाभार्थींसाठी ही लॉटरी असणार आहे. येत्या २१ सप्टेंबरला दुपारी ४ वाजता गुलझारीलाल नंदा सभागृह तिसरा मजला गृहनिर्माण भवन (म्हाडा), कलानगर, वांद्रे येथे RAT पद्धतीने पात्र गाळेधारकांकरीता सदनिका क्रमांक निश्चित करण्यासाठी सोडत काढण्यात येणार आहे.