Pune News : जुन्नर तालुक्यातील आदिवासी भागातील आपटाळे साबळेवाडीचे (aptale sablewadi) माजी सरपंच व त्यांच्या पत्नीचा राहता घरात रात्रीच्या वेळी लागलेल्या आगीमुळे धुराने गुदमरून मृत्यू झाल्याची घटना घडली आहे. या घटनेची माहिती कळताच पाेलिसांनी माजी सरपंच यांच्या घराकडे धाव घेतली. (Maharashtra News)
या घटनेबाबत पाेलिसांनी दिलेल्या माहितीनूसार आपटाळे येथील साबळेवाडी या छोट्या वस्तीत मारुती भाऊ साबळे हे त्यांच्या पत्नीसमवेत राहत होते. रात्री वीजपुरवठा खंडित झाल्याने साबळे यांनी झोपण्यापूर्वी दिवा लावला होता व ते दोघेही झोपी गेले.
रात्री दिव्याने पेट घेतल्याने टेबल जळून खाक झाला. तसेच घरात आग पसरली. आग वाढल्याने दोघांना जाग आली असता आग विझवण्यासाठी दोघांनी बाथरूमकडे जाण्याचा प्रयत्न केला. मात्र घरात मोठ्या प्रमाणात धूर कोंडलाने दाेघांना श्वास घेण्यात अडचण निर्माण झाली. त्यातच दाेघांचा गुदमरुन मृत्यू झाला आहे.
पाेलिसांनी ग्रामस्थांकडून घटनेची अधिक माहिती घेतली व तपास सुरु केला आहे. या घटनेत माजी सरपंच मारुती भाऊ साबळे (वय 83) व त्यांच्या पत्नी पुताबाई मारुती साबळे (वय 73) यांचा मृत्यू झाला आहे अशी माहिती पाेलिसांनी (police) दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.