Planning a monsoon trip ? पर्यटकांच्या सुरक्षिततेसाठी धबधबे, पर्यटनस्थळी 144 कलम लागू; जाणून घ्या जिल्हाधिका-यांचा आदेश

Pune News : माळशेज घाट हिरव्यागार निसर्गाने फुलुन गेला आहे. या डोंगर कड्यावरुन खळखळ वाहणारे धबधबे पर्यटकांसाठी आकर्षक ठरु लागले आहेत. दरम्यान पर्यटकांच्या सुरक्षिततेसाठी ठाणे जिल्हाधिकारी यांनी माळशेज घाटात कलम 144 लागू केले आहे. पर्यटकांनी नियमांचा भंग केल्यास त्यांच्यावर कायदेशिर कारवाईचा बडगा उगारला जाण्याची शक्यता वर्तवली जात आहे. (Maharashtra News)

या नियमामुळे निसर्गरम्य वातावरणात फुलुन गेलेला माळशेज घाट पर्यटकांसाठी बंद राहणार आहे. माळशेज घाटातील पर्यटन स्थळावरील धबधब्यांवर कलम १४४ लागु करण्यात आल्याने स्थानिकांमध्ये देखील तीव्र नाराजी पसरली आहे.

जिल्हाधिकारी यांनी काढलेल्या आदेशात धबधबे (waterfalls) आणि तलाव इतर धोकादायक ठिकाणी गर्दी करण्यास मनाई करण्यात आली आहे. हा नियम ३० जुन ते ३० ऑगस्ट पर्यंत लागु रहाणार आहे. वाढती गर्दी, अपघात आणि कायदा व सुव्यवस्था राखण्यासाठी आदेश काढण्यात आला आहे. त्याची अंमलबजावणी आजपासून सुरु करण्यात आली आहे.

Edited By : Siddharth Latkar