सागर आव्हाड, साम टीव्ही

पुण्यातील प्रभाग क्रमांक सात मधून 24 वर्षीय अंजली ओरसेने राष्ट्रवादी पक्षाकडून उमेदवारी अर्ज दाखल केला. पुणे महानगरपालिकेच्या निवडणुकीमध्ये सर्वात कमी वयाची उमेदवार म्हणून तिच्याकडे पाहिले जातं. वडिलांच्या उपस्थितीत व कार्यकर्त्यांचे उपस्थितीत तिने आज उमेदवारी अर्ज दाखल केला. गोखले नगरची कन्या म्हणून तिची ओळख आहे.

भाजपने विकास काम केले नाही, त्याचा फटका आम्हाला बसला. विकास कामांसाठी आम्ही निवडणुकीच्या रिंगणात उतरले असल्याचं अंजलीने सांगितलं. विनोद ओरसे हे माजी नगरसेवक असून त्यांची मुलगी ही आता राजकारणात उतरली आहे.

आर्ची सारखी दिसणारी अंजली प्रभागामध्ये जाऊन विकास कामांचा आढावा आणि समस्यांचा आढावा गेल्या चार वर्षापासून घेते. राष्ट्रवादीकडून तिने उमेदवारी दाखल केली आहे. भविष्यात तिला सैराट सारखा प्रचार करावा लागणार आहे. तेव्हा मतदार तिला झिंगाट सारखं मतदान करतील.

भाजप विरोधात लोकांमध्ये मोठा रोष आहे विकास कामे केले नाहीत त्यामुळे त्याचा फायदा मला नक्कीच होईल असा विश्वास तिने व्यक्त केला. या निवडणुकीत अंजलीला कसा प्रतिसाद मिळतोय, याकडे साऱ्यांचं लक्ष असणार आहे.