kalsubai shikhar News : महाराष्ट्रातील सर्वात उंच शिखर म्हणून कळसुबाई शिखराकडे पाहिलं जातं. या शिखरावर ट्रेकरसह अनेक भाविक भक्त मोठ्या संख्येने दाखल होत असतात. गेल्या दोन दिवसांपासून कळसुबाई शिखरावर रेकॉर्डब्रेक गर्दी होत असल्याने अपघातांचा धोका निर्माण झाला आहे. मात्र स्थानिक प्रशासन, वनविभाग, पोलीसांचे मात्र याकडे दुर्लक्ष होत आहे.

भिमाशंकर ते त्र्यंबकेश्वर पर्यंतच्या आदिवासी समाजाची कुलदेवता मानल्या जाणाऱ्या नाशिक आणि अहमदनगर जिल्ह्याच्या सिमेवर असणाऱ्या कळसुबाईला मोठ्या संख्येने भाविकांसह पर्यटक, ट्रेकर दाखल होत असून या परिसरात मोठ्या प्रमाणावर गर्दी होत आहे.

याचा परिणाम शिखरावर चढाई करण्यासाठी असणाऱ्या पायऱ्यांवर पहायला मिळत आहे. शिखरावर असणाऱ्या पायऱ्यांवर खाली आणि वरच्या बाजूला एक किलोमीटर गर्दीचे लोट पहायला मिळत आहे. त्यामुळे अपघाताचा धोका निर्माण होऊ शकतो मात्र याकडे प्रशासनाचे दुर्लक्ष होत असल्याचे वास्तव पहायला मिळत आहे.