पुणे: उत्तर पूर्व परिसरात हवेचा दाब Air Pressure वाढलं आहे. त्यामुळे राज्यात किमान तापमानात बरीच घट झालेली दिसून येत आहे. तर गेल्या दोन तीन दिवसांत पुण्याच तापमान मध्येही घट झाली असून राज्यात सर्वात कमी किमान तापमानाची नोंद पुण्यात झाली आहे. तर आज पहाटे पुणे जिल्ह्यातील हवेली Temperature In Haveli Pune याठिकाणी सर्वात कमी म्हणजेच 10.3 अंश सेल्सिअस एवढ्या तापमानाची नोंद झाली आहे. त्यामुळे पुण्यात पहाटे वातावरणात प्रचंड गारवा वाढलेला आहे.

दुसरीकडे, सध्या तामिळनाडू आणि आंध्र प्रदेशच्या किनारपट्टीवर सध्या हवेच्या कमी दाबाचं क्षेत्र तयार झालं आहे. पुढील एक-दोन दिवसामध्ये हवेच्या कमी दाबाचं क्षेत्र आणखी तीव्र होण्याची शक्यता आहे त्यामुळे 11 नोव्हेंबरपर्यंत तामिळनाडू आणि आंध्र प्रदेशाच्या किनारपट्टी मुसळधार पाऊस पडण्याची शक्यता आहे. संबंधित परिसरात हवामान खात्याने IMD Red Alert रेड अलर्ट जारी केला आहे. भागातील नागरिकांना सतर्कतेचा इशारा देण्यात आला आहे. या हवामानाचा काही परिणाम महाराष्ट्रावर देखील होणार आहे.

त्यामुळे येत्या विकेंडला महाराष्ट्रातील कोकण, घाटचा परिसर, मध्य महाराष्ट्र आणि मराठवाड्यातील काही भागामध्ये मुसळधार ते अतिमुसळधार पावसाची शक्यता वर्तवण्यात आली आहे. हवामान खात्याने शनिवारी (ता. १३ नोव्हेंबर) आणि रविवारी (ता. १४ नोव्हेंबर) पुण्यासह एकूण ११ जिल्ह्यांना येलो अलर्ट Yellow Alert to Pune जारी केला आहे. त्यामुळे शनिवारी राज्यात पुणे, रायगड, रत्नागिरी, सिंधुदुर्ग, कोल्हापूर, सांगली, सातारा, सोलापूर, उस्मानाबाद, बीड आणि लातूर या जिल्ह्यांना IMD कडून येलो अलर्ट जारी केला आहे.

Edited By-Sanika Gade