सचिन जाधव, साम टीव्ही

पुण्यातून हादरवणारं हत्याकांड उघडकीस आलं आहे. पुण्यातील मुलगा आईच्या अनैतिक संबंधाला संतापला. त्यानंतर संतापलेल्या या मुलाने आईच्या बॉयफ्रेंडची हत्या केल्याची खळबळजनक घटना घडली आहे. पुण्यातील कात्रज आंबेगावात हे हादरवणारं प्रकरण घडलं. कात्रजच्या आंबेगाव इंद्रायणीनगरमध्ये परिसरात रविवारी रात्री घडलेल्या धक्कादायक हत्याकांडाने संपूर्ण परिसर हादरलाय.

मिळालेल्या माहितीनुसार, पुण्यातील कात्रज आंबेगावात राहणाऱ्या महिलेचे ३७ वर्षीय दीपक क्षीरसागरशी अनैतिक संबंध होते. दीपकच्या अनैतिक संबंधाची माहिती मुलाला समजली. मुलाची आई ही विवाहित होती. त्यानंतरही मुलाच्या आईचे दीपकशी कथित संबंध होते. या दोघांच्या संबंधांना महिलेच्या मुलाचा तीव्र विरोध होता.याच कारणावरून गेल्या काही दिवसांपासून आई आणि मुलामध्ये वाद सुरू असल्याचे समोर आले आहे.

रविवारी रात्री साडेनऊच्या सुमारास दोघांमध्ये हा वाद विकोपाला गेला. त्यानंतर संतप्त झालेल्या महिलेच्या मुलाने साथीदारासह दीपकला गाठलं. त्यानंतर मुलाने दीपकवर जीवघेणा हल्ला केला. या हल्ल्यात गंभीर जखमी झालेल्या दीपकचा जागीच मृत्यू झाला.

घटनेची माहिती मिळताच आंबेगाव पोलिसांनी घटनास्थळी धाव घेतली. त्यानंतर पोलिसांनी तातडीने पंचनामा केला. पोलिसांनी घटनास्थळाच्या आजूबाजूच्या लोकांची चौकशी केली. त्यांनी घटनास्थळावरून संशयित सिद्धार्थ हातुरे आणि अनिकेत हातुरे या दोघांना ताब्यात घेतलं.

पोलिसांकडून दोघांची कसून चौकशी सुरू आहे. हत्येमागील नेमके कारण,वापरण्यात आलेले शस्त्र आणि इतर कोणाचा सहभाग आहे का याचा तपास केला जात आहे. पोलिसांनी मृतदेह शवविच्छेदनासाठी पाठवला आहे. या प्रकरणात तपासानंतर आणखी धक्कादायक माहिती समोर येण्याची शक्यता व्यक्त केली जात आहे. या प्रकरणाचा अधिक तपास आंबेगाव पोलिस करत आहेत.

पुण्यात आईच्या प्रियकराचा मुलीच्या प्रियकराकडून खून

प्रेमसंबंध तोडण्यासाठी आईच्या प्रियकराने दबाव टाकल्याने तरुणीचा बॉयफ्रेंड संतापला. या रागातून तरुणीच्या बॉयफ्रेंडने आईच्या प्रियकराची हत्या केल्याची धक्कादायक घटना घडली. पुण्यातील हडपसरमधील काळेपडळ परिसरात संपूर्ण ही घटना घडली.हत्या केल्या प्रकरणी तरुणीच्या प्रियकरासह साथीदारांना काळेपडळ पोलिसांनी अटक केली आहे.