महापालिकांच्या निवडणुकांच्या पार्श्वभूमवर पुण्यामधील राजकारणात मोठ्या घडामोडी होत आहेत. एकीकडे भाजपनं उमेदवारांची चाचपणी सुरू केली आहे. दुसरीकडे दोन्ही राष्टवादी एकत्र आल्या आहेत. मात्र त्यावेळी काँग्रेसने महाआघाडीत बाहेर पडण्याचा निर्णय घेतलाय. मुंबईनंतर पुण्यातही काँग्रेसने स्वबळाचा नारा दिलाय. याबाबतच्या निर्णयाची माहिती पुणे काँग्रेस शहराध्यक्ष अरविंद शिंदे यांनी दिलीय.

पुण्यामध्ये काँग्रेसने महाविकास आघाडीसोबत एकत्रित निवडणूक लढवण्याचा निर्णय घेतला होता, मात्र आता काँग्रेसनं स्वबळावर निवडणूक लढवणार असल्याचं जाहीर केलंय. त्यामुळे पुण्यातील अटीतटीचा लढती पहावायस मिळणार आहे. कारण आता महायुतीसह महाविकास आघाडीमधील पक्षही एकमेकांच्या विरोधात रिंगणात उतरणार आहेत. दरम्यान पुण्यात काँग्रेस ठाकरे गटासोबत युती करेल असा अंदाज आहे.

पक्षश्रेष्ठींनी त्याबाबत शहरातील कार्यकर्त्यांना सुचना केल्या आहेत. पुण्यात ठाकरे आणि इतर कोणी येत असेल तर त्यांच्याशी चर्चा करा मात्र अजित पवारांशी युती करू नका, असा स्पष्ट आदेश काँग्रेस पक्षाच्या हायकमांडनं दिलेत. या काँग्रेसच्या निर्णयानंतर अजित पवार आणि शरद पवारांच्या राष्ट्रवाडुच्या युतीचा मार्ग मोकळा झालाय.

पुण्यात २००७ पासून काँग्रेसची पीछेहाट

तत्कालीन खासदार सुरेश कलमाडी आणि राष्ट्रवादी काँग्रेसचे नेते अजित पवार यांच्यातील वादामुळे पुण्यामध्ये राष्ट्रवादी काँग्रेस, भाजप आणि शिवसेना यांची युती झाली. त्याला पुणे पॅटर्न असे नाव देण्यात आले. त्यामुळे भाजप आणि शिवसेनेचे पदाधिकारी पुण्यात सत्तेवर आलेत. त्यानंतर दोन वर्षात काँग्रेस आणि राष्ट्रवादी काँग्रेस यांची एकत्रित सत्ता महापालिकेत आली. तेव्हा ते २०१७ पर्यंत सत्तेत होते.

दरम्यान २०१७ मध्ये भाजपने चार नगरसेवकांचा एक प्रभाग केल्याने सर्वच विरोधी पक्षांचे हाल झाले. काँग्रेस आणि राष्ट्रवादी काँग्रेस यांच्यात जागावाटपावरून वाद झाल्याने काही प्रभागात ते आघाडी करून लढले तर काही प्रभागांत एकमेकांविरुद्ध लढले. त्यामुळे दोन्ही पक्षांना भाजप पुढे पराभव पत्करावा लागला होता. यात काँग्रेसचे केवळ नऊ नगरसेवक निवडून आले. त्यांच्यासोबत रवींद्र धगेकर अपक्ष नगरसेवक म्हणून निवडून आले होते.