Pune Ganpati Festival : घरगुती गणपती आणि गौरी विसर्जनानंतर सार्वजनिक गणेश मंडळांच्या गणपतींच्या दर्शनासाठी आणि देखावे पाहण्यास होणारी गर्दी बघता पुणे शहरातील मध्यभागातील प्रमुख रस्ते बंद ठेवण्याचा निर्णय घेण्यात आला आहे. गुरूवारपासून (ता.११) हा निर्णय लागू होणार असून सायंकाळी ५ नंतर रस्ते बंद ठेवले जाणार असल्याचे वाहतूक शाखेच्या पोलिस आयुक्तांकडून सांगण्यात आले आहे. १८ सप्टेंबरपर्यंत हे रस्ते बंद ठेवण्यात येणार आहेत. यातून अत्यावश्यक सेवेतील वाहने वगळता इतर सर्व वाहनांसाठी हा नियम लागू असणार आहे.

दरवर्षी घरगुती गणपती आणि गौरी विसर्जनानंतर सार्वजनिक गणेश मंडळांच्या गणपतींच्या दर्शनासाठी आणि देखावे पाहण्यास गर्दी होते. त्यामुळे गुरूवारपासून पुणे शहराच्या मध्यभागात प्रचंड गर्दी होण्याच्या शक्यता वर्तवली जात आहे.

ही शक्यता लक्षात घेता विसर्जन मिरवणुकीपर्यंत शहरातील वाहतूक व्यवस्थेत बदल करण्यात आले आहेत. वाहतूक कोंडी होऊ नये तसेच देखावे बघण्यासाठी बाहेर पडलेल्या पुणेकरांचे हाल होऊ नये यासाठी घेतलेल्या या निर्णयानुसार गुरुवारपासून शहराच्या मध्यभागात प्रचंड गर्दी होण्याच्या शक्यता असल्याने वाहतूक व्यवस्थेत बदल करण्यात आले आहेत. विसर्जन मिरवणुकीपर्यंत पुणे शहरातील वाहतूक व्यवस्थेत बदल करण्यात आले आहेत.

रस्ते कोणते?

लक्ष्मी रस्ता, छत्रपती शिवाजी रस्ता, बाजीराव रस्ता, टिळक रस्ता, सणस रस्ता, शास्त्री चौक ते सोन्या मारुती चौक रस्ता वाहतुकीस संध्याकाळी पाचनंतर बंद करण्याचा निर्णय वाहतूक पोलिसांनी घेतला आहे. त्यामुळे वाहनचालकांनी पर्यायी मार्गांचा वापर करावा, असे आवाहन पुणे वाहतूक पोलिसांनी केले आहे.

उद्यापासून हे रास्ते राहणार बंद

लक्ष्मी रस्ता,

छत्रपती शिवाजी रस्ता,

बाजीराव रस्ता,

टिळक रस्ता,

सणस रस्ता,

शास्त्री चौक ते सोन्या मारुती चौक रस्ता.

गणेश भक्तांसाठी पार्किंगची विशेष सोय

देखावे बघण्यासाठी आणि गणपती दर्शनासाठी होणारी गर्दी बघता पुणे वाहतूक पोलिसांनी शहरातील २७ मोक्याच्या ठिकाणी वाहन पार्किंगची व्यवस्था केली आहे.

गोगटे प्रशाळा, नारायण पेठ (दुचाकी)

SSPMS शिवाजीनगर (दुचाकी आणि चारचाकी)

S.W.कॉलेज (दुचाकी आणि चारचाकी)

PMPL मैदान, सारसबाग (दुचाकी)

पेशवा पार्क, सारसबाग (दुचाकी)

हरजीवन हॉस्पिटल, सारसबाग (दुचाकी)

पाटील प्लाझा, मित्रमंडळ चौक (दुचाकी)

पार्वती ते दांडेकर पूल (सायकल)

दांडेकर पूल ते गणेश माला (दुचाकी)

गणेश माला ते राजाराम पूल (दुचाकी)

निलयम सिनेमा (दुचाकी आणि चारचाकी)

विमलाबाई गरवारे प्रशाळा (दुचाकी)

गरवारे कॉलेज, कर्वे रोड (दुचाकी आणि चारचाकी)

संजीवनी हॉस्पिटल, कर्वे रोड (दुचाकी आणि चारचाकी)

आपटे प्रशाळा (दुचाकी)

फर्ग्युसन कॉलेज (दुचाकी आणि चारचाकी)

जैन हॉस्टेल, BMCC रोड (दुचाकी आणि चारचाकी)

मराठवाडा कॉलेज (दुचाकी)

पेशवा पथ (दुचाकी)

रानडे पथ (दुचाकी आणि चारचाकी)

कॉंग्रेस भवन रोड, शिवाजीनगर (दुचाकी)

न्यू इंग्लिश स्कूल, टिळक रोड (दुचाकी आणि चारचाकी)

भिडे पूल ते गाडगीळ पूल (दुचाकी आणि चारचाकी)

न्यू इंग्लिश स्कूल, रमण बाग (दुचाकी)

शिवाजी आखाडा, मंगळवार पेठ (दुचाकी आणि चारचाकी)

H.V.देसाई कॉलेज (पोलिस पार्किंग)

हमालवाडा, नारायण पेठ (दुचाकी आणि चारचाकी)