सागर आव्हाड, साम टीव्ही

शिक्षणाचे माहेरघर असलेल्या पुणे शहरातच बोगस शाळांचा सुरू असल्याचा धक्कादायक प्रकार उघडकीस आला आहे. पुणे महानगरपालिकेच्या प्राथमिक शिक्षण विभागाने २०२५-२६ या शैक्षणिक वर्षात शहरातील १३ शाळा अनधिकृत असल्याचे जाहीर केले आहे. या पार्श्वभूमीवर, आगामी २०२६-२७ या शैक्षणिक वर्षासाठी पालकांनी आपल्या पाल्यांचा प्रवेश या शाळांमध्ये घेऊ नये, असे आवाहन महापालिकेच्या वतीने करण्यात आले आहे.

पुणे महानगरपालिकेने जाहीर केलेली अनधिकृत शाळांची यादी:

१. न्यू मिलेनियम स्टार इंग्लिश मिडियम स्कूल - बिबवेवाडी, पुणे.

२. महात्मा गांधी प्रशाला - येरवडा, पुणे.

३. टीम्स तकवा इस्लामिक स्कूल अँड मक्तब - कोंढवा खुर्द, पुणे.

४. सेंट व्ह्यू इंटरनॅशनल स्कूल - कोंढवा बुद्रुक, पुणे.

५. इमॅन्युअल पब्लिक स्कूल - हडपसर, पुणे.

६. आकांक्षा अकॅडमी स्कूल - लोहगाव, पुणे.

७. एलोरा मेडिकल अँड एज्युकेशन फाउंडेशन आर्यन पब्लिक स्कूल - नऱ्हे, पुणे.

८. लेगसी हाय स्कूल - कोंढवा बुद्रुक, पुणे.

९. शिबली नोमानी इंग्लिश मिडियम स्कूल - कोंढवा बुद्रुक, पुणे.

१०. ऑर्किड्स द इंटरनॅशनल स्कूल - उंड्री, ता. हवेली, पुणे.

११. ग्लोबल एज्युकेशन ट्रस्ट पुणे इकरा इस्लामिक स्कूल - कौसरबाग, कोंढवा, पुणे.

१२. ग्लोबल इंग्लिश मिडियम स्कूल - आंबेगाव बुद्रुक, पुणे.

१३. आर्यन वर्ल्ड स्कूल - उंड्री, पुणे.

शिक्षण विभागाने स्पष्ट केले आहे की, पालकांनी आपल्या पाल्यांचे भविष्य सुरक्षित ठेवण्यासाठी प्रवेश घेण्यापूर्वी शाळेची शासन मान्यता आणि आवश्यक कागदपत्रांची पडताळणी करूनच निर्णय घ्यावा. माहिती व जनसंपर्क कार्यालया मार्फत हे आवाहन प्रसिद्धीसाठी देण्यात आले आहे.