पुण्यात गुन्हेगारी घटनांमध्ये वाढ होत असल्याचं चित्र आहे. अशातच पिंपरी चिंचवड येथून धक्कादायक बातमी समोर येत आहे. नितीन गिलबिले याची निर्घृण हत्या करण्यात आली. या घटनेचा भयंकर सीसीटीव्ही फुटेजही समोर आला आहे. या सीसीटीव्ही फुटेजमध्ये नितीनचे मित्र त्याच्यावर गोळीबार करतात. नंतर त्याला चारचाकीमधून खाली फेकतात. तसेच चारचाकी अंगावरून नेतात. या प्रकरणी पोलिसांनी सीसीटीव्ही फुटेजच्या आधारे तपासाला सुरूवात केली असून, फरार आरोपींचा शोध सुरू आहे.

नेमकं प्रकरण काय?

पिंपरी चिंचवड येथील नितीन गिलबिले याच्या हत्याकांडामुळे शहरात खळबळ उडाली आहे. ही संपूर्ण हत्याकांडाची घटना वडमुखवाडी - अलंकापुरम रस्त्यावर घडल्याची माहिती आहे. नितीन गिलबिले याच्या हत्येचा कट रतण्यात आला. नितीनच्या मित्रांनी नितीनला फॉर्च्युनरने नेले. तसेच त्याच्यावर गोळीबार केली. गोळीबार केल्यानंतर आरोपींनी नितीनला खाली फेकले. तसेच अंगावरून चारचाकी नेली.

नितीन रस्त्यावर रक्ताच्या थारोळ्यात पडला होता. वेदनेनं विव्हळत होता. पोलिसांना माहिती मिळताच त्यांनी घटनास्थळी धाव घेतली. तसेच मृतदेह ताब्यात घेऊन तपासाला सुरूवात केली. पोलिसांनी दिलेल्या माहितीनुसार, नितीनची हत्या, अमित पठारे आणि विक्रांत ठाकूर या दोन मित्रांनी केली. तिघेही चारचाकीमध्ये होते. फॉर्च्यूनरमधून तिघेही वडमुखवाडी परिसरातून जात होते. त्यांनी निर्जनस्थळी गाडी थांबवली.

तिघांमध्ये गप्पा रंगल्या. मात्र, गप्पा मारताना तिघांमध्ये वाद सुरू झाला. प्लॉटिंगच्या कारणातून वाद चिघळला. दोन मित्रांपैकी एकाने पिस्तूल बाहेर काढली. तसेच नितीनच्या अंगावर गोळ्या घातल्या. एक गोळी डोक्यात लागली. नितीनचा जागीच मृ्त्यू झाला. एका मित्रानं नितीनला चारचाकीतून बाहेर फेकलं. तसेच अंगावरून चारचाकी नेली. पोलिसांच्या माहितीनुसार, तिघांमध्ये वाद जमीन किंवा गुंतवणुकीवरून झाले.

या घटनेची माहिती मिळताच पुणे पोलीस गुन्हे शाखेचे डीसीपी शिवाजी पवार, एसीपी विशाल हिरे, पोलीस निरीक्षक प्रमोद वाघ यांनी घटनास्थळी घाव घेतली. फॉरेन्सिक टीम देखील घटास्थळी दाखल झाली. सीसीटीव्ही फुटेजच्या आधारे पोलिसांकडून तपास सुरू आहे.