रेल्वे प्रशासनाने एक महत्त्वाचा निर्णय घेतला आहे. मध्य रेल्वेने प्रवाशांची वाढती गर्दी पाहता पुणे- नागपूर, हडपसर पुणे आणि हडपसर रानी कमलपति यासाठी विशेष रेल्वे चालवण्याचा निर्णय घेतला आहे. या विशेष रेल्वे ट्रेनमुळे प्रवाशांना खूप फायदा होणार आहे. या ट्रेन जळगावमधील चाळीसगावसगह पाचोरा, जळगाव आणि भुसावळ स्थानकांवर थांबणार आहे. यामुळे या मार्गाने प्रवास करणाऱ्या प्रवाशांना दिलासा मिळू शकणार आहे.

रेल्वेच्या या विशेष वेळापत्रकाची माहिती प्रवाशांना देण्यात आली आहे. प्रवाशांना http://www.enquiry.indianrail.gov.in या वेबसाइटवर सर्व माहिती मिळणार आहे. याचसोबत तुम्ही एनटीईएसवरुन डाउनलोड करु शकतात.

३ विशेष ट्रेन आणि २२ फेऱ्या

पुणे नागपूर विशेष ट्रेन (Pune Nagpur Special Train)

पुणे नागपूर ०१४१९ ही विशेष ट्रेन २७,२९, ३१ डिसेंबर आणि ३ जानेवारीला पुण्यातून ८.३० वाजता सुटणार आहे. ही गाडी २.०५ वाजता नागपूरला पोहचेल. ०१४२० ही विशेष गाडी २८, ३० डिसेंबर तसेच १ आणि ४ जानेवारीला दुपारी ४च्या सुमारास निघेल आणि दुसऱ्या दिवशी ११.४५ मिनिटांनी पुण्याला पोहचेल. ही ट्रेन दौंड कॉर्ड लाईन, अहिल्यानगर, बेलापूर, कोपरगाव, मनमाड, चाळीसगाव, पाचोरा, जळगाव, भुसावळ, मलकापूर, शेगाव, अकोला, मुर्तिजापूर, बडनेरा, धामणगांव आणि वर्धा स्थानकांवर थांबेल.

हडपसर नागपूर (Hadapsar Nagpur Train)

हडपसर नागपूर ०१२२२ ही विशेष ट्रेन धावणार आहे. या ट्रेनच्या ८ फेऱ्या होणार आहे. ही ट्रेन २८,३० डिसेंबर आणि १,४ जानेवारीला हडपसर येथून नागपूरला जाईल. ही ट्रेन दुपारी ३.५० ला निघेल आणि सकाळी ६.३० ला नागपूरला पोहचेल. तर ०१२२१ ही विशेष गाडी २६, २९, ३१ डिसेंबर आणि २ जानेवारीला नागपूरवरुन हडपसरला येईल.ही ट्रेनदेखील पुणे नागपूर ट्रेनच्या थांब्यावर थांबेल.

हडपसर–राणी कमलापती विशेष गाडी

हडपसर–राणी कमलापती ०२१५५ विशेष गाडी १८ ते ११ जानेवारी या काळात प्रत्येक रविवारी सुटणार आहे. ही गाडी सकाळी ७.५० ला सुटणार आहे. त्याच दिवशी रात्री ११.४० वाजता राणी कमलापती येथे पोहचेल. तर , ०२१५६ ही ट्रेन प्रत्येक शनिवारी सकाळी ८.४० मिनिटांनी सुटेल आणि दुसऱ्या दिवशी पहाटे हडपसरला पोहचेल.