पुणेकरांसाठी महत्त्वाची बातमी आहे. म्हाडाने पुण्यातील घरांसाठी लॉटरी काढली आहे. म्हाडाच्या पुणे मंडळाकडून ६१६८ घरांसाठी लॉटरी काढण्यात आली आहे. यातील १९८२ घरे प्रथम येणाऱ्यास प्राधान्य या अंतर्गत विक्री केली जाणार आहे. या लॉटरीच्या माध्यमातून पुण्यात कमी दरात घरे उपलब्ध केली आहेत. त्यामुळे पुणेकरांचे घराचे स्वप्न पूर्ण होणार आहे. दरम्यान, पु्ण्यातील घरांसाठी अर्ज कसा करायचा याबाबत सविस्तर माहिती जाणून घ्या.

पुण्यातील म्हाडाच्या घरांसाठी अर्ज कसा करावा?(Pune Mhada Housing Application Process)

तुम्हाला सर्वात आधी housing.mhada.gov.in या वेबसाइटवर जायचे आहे. किंवा म्हाडाच्या ऑनलाइन अॅपवर जावे. यानंतर तुम्ही सर्वात आधी नोंदणी करा आणि माहिती काळजीपूर्वक वाचा.यानंतर तुम्हाला माहिती भरायची आहे.

अर्ज करताना कागदपत्रे (Mhada Application Required Documents)

अर्जदाराचे आधार आणि पॅन कार्ड, लग्न झाले असेल तर पती पत्नी दोघांचे आधार आणि पॅन कार्ड.

घराचा संपूर्ण पत्ता, पोस्टाचा पिन कोड

आधार कार्डशी लिंक असलेला मोबाईल नंबर आणि ई-मेल आयडी

अर्जदाराचे रहिवासी प्रमाणपत्र (२०१८ नंतरचे असावे) त्यावर बारकोड असावा

पात्र उत्पन्न गटानुसार तुमचे आयकर विवरण पत्र किंवा तहसीलदाराचा उत्पन्नाचा दाखला

जातीचा दाखला, जात पडताळमी प्रमाणपत्र

अर्जदाराच्या बँकेचे नाव, अकाउंट नंबर. आयएफएसी कोड नंबर याबाबत सर्व माहिती भरायची आहे.

अर्ज करण्याची पद्धत

ऑनलाइन रजिस्ट्रेशन झाल्यानंतर तुम्ही वेगवेगळ्या प्रवर्गातून एकापेक्षा जास्त अर्ज करु शकतात. रजिस्ट्रेशन झाल्यानंतर तुम्ही लॉग इन करावे. यानंतर फॉर्म भरावा. या घरांसाठी ऑनलाइन अर्ज करण्याची प्रक्रिया सुरु झाली आहे. यासाठी अर्ज करण्याची शेवटची तारीख ३१ ऑक्टोबर २२५ असणार आहे. यानंतर तुम्ही अर्ज करु शकणार नाही. अर्ज केल्यानंतर एकदा शुल्क भरले की तुम्हाला अर्जात कोणताही बदल करण्यात येणार नाही.

पुण्यातील घरांसाठी अर्ज केल्यानंतर तुम्ही ऑनलाइन पद्धतीने अर्जाचे शुल्क भरु शकतात. दरम्यान, तुम्ही जर एकापेक्षा जास्त सोडतीसाठी अर्ज केला असेल तर त्यासाठी वेगवेगळे शुल्क भरावे लागणार आहे. दरम्यान, अर्जाची सोडत जाहीर झाल्यानंतर तुम्हाला १० दिवसांत स्विकृती पत्र सादर करणे आवश्यक आहे.