सागर आव्हाड, साम टीव्ही

पुणे: शिक्षणाचे माहेरघर असलेले पुणे आता गुन्हेगारीचे माहेरघर झाले आहे की काय असा संतापजनक प्रश्न उपस्थित आहे. मागच्या काही वर्षांपासून पुण्यामध्ये रोजच थरकाप उडवून देणाऱ्या घटना घडत असून नागरिकांमध्ये भीतीचे वातावरण निर्माण झाले आहे. अशातच कोथरूड भागात काळजाला हादरवून टाकणारी घटना घडली आहे. एका अल्पवयीन मुलीशी मैत्री असल्याच्या रागातून 10 जणांच्या टोळीने मिळून एका तरुणांची निर्घृण हत्या केल्याची घटना 14 मार्च (दि.शनिवारी) घडली आहे.

नागेश जाधव वय(23) असे हत्या झालेल्या या तरुणाचे नाव आहे. या घटनेमुळे परिसरात प्रचंड तणावाचे वातावरण निर्माण झाले आहे. आता या घटनेची पोलिसांनी माहिती दिली आहे. पुण्यात एका तरुणाची केवळ मुलीशी बोलत असल्याच्या कारणावरून निर्घृण हत्या झाल्याची धक्कादायक घटना समोर आली आहे. या प्रकरणात दहा जणांविरुद्ध कोथरूड पोलीस ठाण्यात गुन्हा दाखल करण्यात आला असून काही आरोपींना पोलिसांनी अटक केली आहे. या घटनेमुळे शहरात मोठी खळबळ उडाली आहे. नागेश आणि एक अल्पवयीन मुलगी हे एकमेकांच्या ओळखीचे होते आणि दोघेही मित्र असल्याचे सांगितले जात आहे. मात्र या मैत्रीवरून मुलीच्या कुटुंबीयांना आक्षेप होता, या शिल्लक कारणावरून मुलीच्या कुटुंबीयांनी त्या मुलांला मारून टाकले.

नेमके काय घडले? आमच्या मुलीशी का बोलतो अन्...;

नरेश जाधव आणि संबंधित अल्पवयीन मुलीची अनेक दिवसांपासून मैत्री होती. मात्र या मैत्रीला मुलीच्या कुटुंबाला तीव्र आक्षेप होता. नागेश हा पुण्यातील शिवाजीनगर येथे ऑफिस बॉय म्हणून काम करत होता, तर त्याची आई घरकाम करून कुटुंबाचा उदरनिर्वाह करत होती. मृत नागेशच्या आईने केलेल्या खळबळजनक आरोपानुसार, त्या मुलीनेच नागेशला मोबाईलवरून मेसेज करून भेटण्यासाठी बोलावून घेतले होते. नागेश तिला भेटण्यासाठी गेला असता तिथे आधीच मुलीच्या घरचे लपून बसलेल्या कुटुंबाने त्याच्यावर जीवघेणा हल्ला चढविला आणि त्याला बेदम मारहाण केली आणि यामध्ये त्याचा जागेवर मृत्यु झाला.