सागर आव्हाड, साम टीव्ही, प्रतिनिधी

Pune City : पुण्यात बॉयफ्रेंडवरुन मुलींमध्ये राडा झाल्याचे पाहायला मिळाले. बॉयफ्रेंडला मेसेज का केला यावरुन मुलींमध्ये जुंपली. या घटनेचा व्हिडीओ सोशल मीडियावर व्हायरल झाला आहे. पुण्याच्या एका शाळेच्या आवारात सदर प्रकार घडला. काल रात्री दहा-साडेदहाच्या सुमारास ही घटना घडल्याची माहिती समोर आली आहे.

पुण्यातील येरवडा परिसरातील नेताजी शाळा परिसरात रात्री साडेदहाच्या सुमारास राडा झाल्याचे पाहायला मिळाले. माझ्या बॉयफ्रेंडला मेसेज का करतेस? असे म्हणत दोन मुलींमध्ये वाद सुरु झाला. त्यानंतर आणखी मुली भांडणात सामील झाल्या. शुल्लक कारणांवरुन दोन मुलींच्या टोळ्या भिडल्या. नेताजी शाळेच्या आवारात हा प्रकार घडला.

एकमेकींच्या झिंज्या ओढणे, लाथाबुक्क्या मारणे, एकमेकींनी गलिच्छ शिव्या देणे असा प्रकार सुरु होता. या मुली इतक्या घाणेरड्या पद्धतीने भांडण होत्या की ते पाहून आसपासच्या लोकांच्या अंगावर काटा आला. शिक्षण, संस्कार, शिस्त यांची राख करुन या मुली रस्त्यावरच तमाशा करत आहेत, असे म्हणत स्थानिकांनी संताप व्यक्त केला. येरवडा पोलिसांनी या मुलींना लवकरच धडा शिकवावा अशी मागणी होत आहे.

कोंढव्या वाहनांची तोडफोड आणि दहशतीचा प्रयत्न

कोढव्यातील मिठानगर येथे धक्कादायक प्रकार घडला. अल्पवयीन मुलांमध्ये किरकोळ कारणांवरुन वाद झाला. याच्या रागात मुलांच्या टोळक्याने रस्त्यावर पार्क केलेल्या वाहनांची तोडफोड केली. मुलांनी ३ रिक्षा आणि २ कार अशा वाहनांच्या काचा फोडून परिसरामध्ये दहशत माजवण्याचा प्रयत्न केला. या प्रकरणी पोलिसांनी ३ अल्पवयीन मुलांना ताब्यात घेतले आहे.