Ganesh Kale Andekar Komkar gang rivalry case : पुण्यात पुन्हा एकदा गँगवारचा थरार घडला. भरदिवसा कोंढवा परिसरात गणेश काळे (Ganesh Kale Murder) याची हत्या करण्यात आली. या प्रकरणात पोलिसांनी चार आरोपींना अटक केली आहे. आंदेकर-कोमकर टोळीयुद्धातून (Andekar Komkar Gang War) गणेश काळेची हत्या झाल्याचे समोर आले आहे. हत्या केल्यानंतर चारही आरोपी पळून गेले होते. गणेश काळे याच्यावर गोळ्या झाडतानाचा आरोपीचा व्हिडिओ समोर आला आहे.

गणेश काळे याच्यावर गोळ्या झाडतानाचा व्हिडिओ समोर आला आहे. गणेश काळे रिक्षामध्ये बसला होता. त्यावेळी आरोपीने पाठीमागून त्याच्यावर धाडधाड गोळ्या धाडल्याचे व्हिडिओमध्ये स्पष्ट दिसतेय. गणेश काळे याच्यावर गोळ्या झाडल्यानंतर आरोपीने घटनास्थळावरून पळ काढला. याचाही व्हिडिओ सोशल मीडियावर व्हिडिओ व्हायरल झालाय.

गणेश काळे या तरुणावर दुचाकी वर येत काही जणांनी गोळीबार केला आणि यात त्याचा जागीच मृत्यू झाला. ही घटना शनिवारी दुपारी खडीमशीन चौकात घडली आहे. पुण्यातल्या खडीमशीन चौक ते बोगदेव घाटाकडे जाणाऱ्या रस्त्यावरती पेट्रोल पंपाजवळ गोळीबार झाला. गोळीबारानंतर कोयत्याने वार करून हत्या करण्यात आलेले आहे. हे टोळी युद्धातून झाल्याची माहिती समोर येत आहे.

आरोपींना खेड शिवापूर परीसरातून चारही आरोपींना कोंढवा डी बी पथकाकडून अटक करण्यात आली. गुन्ह्यात वापरलेले दोन पिस्तूल आणि दोन हत्यार जप्त करण्यात आली. अमन महेबुब शेख,22 वर्ष, अरबाज अहमद पटेल आणि दोन अल्पवयीन आरोपी असल्याचे समोर आले आहे. पोलिसांनी गुन्हा दाखल करण्यात आला आहे.