मध्य रेल्वेने दौंड आणि अजमेर दरम्यान धावणाऱ्या विशेष गाडीचे नियमित सेवा सुरू केली असून 22 मे पासून ही गाडी नव्या क्रमांकाने साप्ताहिक एक्सप्रेस म्हणून धावण्यास सुरूवात होणार आहे. गाडी क्रमांक 20992 अंतर्गत दौंड-अजमेर साप्ताहीक एक्सप्रेस दर शुक्रवारी रात्री 11.10 वाजता दौंडहून सुटेल आणि दुसऱ्या दिवशी रात्री 12.40 मिनिटांनी अजमेरला पोहोचेल. परतीच्या प्रवासात गाडी क्रमांक 20991 अंतर्गत अजमेर-दौंड एक्सप्रेस दर गुरुवारी 4.45 वाजता अजमेरहून निघेल दुसऱ्या दिवशी संध्याकाळी 7.10 वाजता दौंडला दाखल होईल.

कुठे कुठे थांबणार?

पुणे, लोणावळा, पनवेल, वसई रोड, बोईसर, वापी, वलसाड, सुरत, भरूच, वडोदरा, गोधरा, दाहोद, रतलाम, नागदा, भवानीमंडी, रामगंज मंडी, कोटा, सवाई माधोपूर, जयपूर आणि किशनगड येथे थांबे असतील.

गाडीच्या संरचनेत १वातानुकूलित द्वितीय श्रेणी (AC Second Class), ६ वातानुकूलित तृतीय श्रेणी, (6 AC Third Class), ७ शयनयान(7 Sleeper), २ सामान्य द्वितीय श्रेणी डबे (2 General Second Class) आणि २ गार्ड्स ब्रेक व्हॅनचा (2 Guard’s Brake Vans) समावेश आहे. दिनांक ४ जून २०२६ पासून शयनयान डब्यांची संख्या ७ वरून ५ वर येईल, तर सामान्य द्वितीय श्रेणीचे डबे २ वरून ४ करण्यात येतील.प्रवाशांनी सुधारित वेळापत्रक तपासून प्रवासाचे नियोजन करावे, असे आवाहन मध्य रेल्वेने केले आहे.