Pune Crime News: बनावट फेसबुक अकाउंट तयार करुन नागरिकांची फसवणूक करण्याच्या घटना दिवसेंदिवस वाढत आहेत. मोठमोठ्या अधिकाऱ्यांच्या नावे फेसबुक किंवा अन्य सोशल मीडिया अकाउंटवर अधिकाऱ्यांच्या नावे फेक अकाउंट उघडले जात आहे. यातून सामान्या नागरिकांना मॅसेज करत त्यांच्याकडे पैशांची मागणी केली जातेय. तसेच नागरिकांच्या बँक खात्यावर डल्ला मारला जात आहे. (Fake Facebook Account)

पुणेकर सावधान!

पुण्यात (Pune) काही नागरिकांसोबत अशी फसवणूक होण्याची शक्यता आहे. कारण पुण्याच्या जिल्हाधिकाऱ्यांचे आणखी एक बनावट फेसबुक अकाउंट तयार करण्यात आले आहे. सायबर चोरट्यांच्या रडारवर पुण्याचे जिल्हाधिकारी डॉक्टर राजेश देशमुख आहेत. त्यांच्या नावाने फेक अकाउंट तयार करत नागरिकांची फसवणूक करण्याचा सायबर सोरट्यांचा डाव आहे.

कसं आहे बनावट फेसबुक अकाउंट

राजेश देशमुख यांचे फोटो वापरत तसेच आयएएस असे लिहीत बनावट फेसबुक (Facebook) अकाउंट तयार करण्यात आले आहे. या आधी देखील राजेश देशमुख यांच्या नावे फेक अकाउंट बनवल्याचे समोर आले होते. पोलिसात तक्रार करून सुद्धा जिल्हाधिकारी देशमुख यांचे खोटे अकाउंट बनवले जात आहे.

दोन महिन्यांत ५ वेळा फेक अकाउंट

पोलिसांत तक्रार दाखल करुन देखील फेक अकाउंट (Fake Account) बनवण्याच्या घटना कमी झालेल्या नाहीत. अद्यापही फेक अकाउंट तयार करण्याचे सत्र सुरुच आहे. गेल्या दोन महिन्यात ५ ते ६ वेळा देशमुख यांच्या नावाने बनावट अकाउंट तयार करून सायबर चोरटे नागरिकांना फ्रेंड रिक्वेस्ट पाठत आहेत. त्यामुळे कुठल्याही बनावट अकाउंटला बळी पडू नका असं आवाहन जिल्हाधिकाऱ्यांनी केलं आहे.