अक्षय बडवे

पुणे : पुण्यातील एका सॉफ्टवेअर इंजिनिअर तरुणाला सेक्स्टॉर्शनमध्ये अडकवून त्याच्याकडून ७ लाख १४ हजार रुपये (Pune) उकडल्‍याची घटना घडली आहे. याप्रकरणी ३३ वर्षीय तरुणाने भारती विद्यापीठ पोलिस (Police) ठाण्यात तक्रार दिली आहे. (Live Marathi News)

मिळालेल्या माहितीनुसार फिर्यादी ३३ वर्षीय तरुण आंबेगाव या भागात वास्‍तव्‍यास आहे. तो स्वतः एक सॉफ्टवेअर इंजिनिअर आहे. फिर्यादी तरुणाला एका महिलेचा (Cyber Crime) व्हिडीओ कॉल आला. कॉल चालू असताना तिने आपल्या अंगावरचे कपडे उतरवले. ते पाहात असल्याचे स्क्रीन शॉट या महिलेने काढले. हे स्क्रीन शॉट व व्हिडीओ त्याच्या मित्रांना पाठविण्याची तिने धमकी दिली.

वेगवेगळी कारणे सांगून उकडले पैसे

त्यानंतर दिल्ली सायबर कमिशन श्रीवास्तव बोलत आहे असे त्याला फोन आले. पोलिसांना तपास करण्यासाठी पैशांची आवश्यकता आहे; अशी वेगवेगळी कारणे सांगून त्या महिलेने फिर्यादीकडून वेळोवेळी ७ लाख १४ हजार ४२४ रुपये उकळले. शेवटी या तरुणाने पोलिसांकडे धाव घेतली. पोलिस अधिक तपास करत आहेत.