सचिन जाधव, पुणे|ता. २२ डिसेंबर २०२३

Pune Crime News:

पीएमपीएमएल चालकाला रस्त्यावरून जाणाऱ्या काही मद्यपी तरुणांनी बेदम मारहाण केल्याची घटना समोर आली आहे. पुणे जिल्ह्यातील वेल्हे तालुक्यातील आंबवणे परिसरात हा संतापजनक प्रकार घडला. मारहाणीत पीएमपीएमएल चालक गंभीर जखमी झाला आहे. या प्रकरणी दोघांविरोधात गुन्हा दाखल झाला असून एकास अटक करण्यात आली आहे. (Crime News in Marathi)

याबाबत समोर आलेल्या माहितीनुसार, बुधवारी (२०, डिसेंबर) पीएमपीएल बस ही विंझर गावाकडून पुण्याच्या (Pune) दिशेने निघाली होती. यावेळी आंबवणे परिसरात काही मद्यपी तरुणांनी गाडी आडवी मारण्याचा प्रयत्न केला. तसेच संबंधित पीएमपीएल चालकाला बेदम मारहाण केली.

या घटनेत चालक तेजस चंद्रकात गायकवाड जखमी झाले असून त्यांच्या कानाला गंभीर दुखापत झाली आहे. या प्रकरणी वेल्हे पोलिसांनी दोघांविरोधात गुन्हा दाखल करत एकाला अटक केली आहे. तर त्याचा दुसरा साथिदार फरार आहे. निलेश पंढरीनाथ सरपाले (वय २६) असं अटक केलेल्याचे नाव असून श्रेयस काळूराम सरपाले हा फरार झाला आहे.

. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बहिणीला त्रास देणाऱ्या भावजीची हत्या...

बहिणीला त्रास देणाऱ्या भावजीची मित्रांच्या मदतीने हत्या केल्याची धक्कादायक घटना पुणे शहरातील बालेवाडी परिसरातील पाटील वस्तीत घडली. राजेंद्र कुमार कांबळे (वय २४, रा. बालेवाडी) असे खून झालेल्याचे नाव आहे. याप्रकरणी चतु:श्रृंगी पोलीस ठाण्यात (Police) बाब्या व राहुल रिकामे यांच्यावर गुन्हा दाखल करण्यात आला आहे. (Latest Marathi News)