सचिन जाधव, प्रतिनिधी...

Pune Crime News: पुणे शहरातील वाढती गुन्हेगारी दिवसेंदिवस चिंतेचा विषय ठरत आहे. पुण्यात मारामारीच्या, वाहनांची तोडफोड केल्याच्या घटना वारंवार समोर येत आहेत. त्यामुळे नागरिकांमध्ये भितीचे वातावरण पसरले आहे. नुकतीच पुण्यातील अरण्येश्वर भागात अशीच एक घटना समोर आली असून टोळक्यांकडून १५- २० वाहनांची तोडफोड केल्याचे उघडकीस आली आहे. (Crime News In Marathi)

याबाबत अधिक माहिती अशी की, पुण्यात (Pune Crime) तोडफोडीच्या घटनांचे सत्र अद्याप सुरूच आहे. पुण्यातील अरण्येश्वर भागात असाच प्रकार समोर आला असून मध्यरात्री टोळक्याकडून 10 ते 15 वाहनांची तोडफोड करण्यात आली आहे. ( Pune Darshna Pawar Case Update)

तसेच टोळक्याने यावेळी घरांवरही दगडफेक केली. या घटनेने परिसरात एकच खळबळ उडाली आहे. या प्रकरणाची पोलिसांनी गंभीर दखल घेतली असून पोलिसांकडून कारवाई सुरू करण्यात आली आहे.

दरम्यान, पुण्यात काही दिवसांपूर्वीच असाच धक्कादायक प्रकार घडला होता. शहरातील तळजाई परिसरातील वनशिव वस्तीमध्ये सात ते आठ जणांच्या गुंड टोळक्याने कोयते आणि हत्यारांनी दहशत माजवत रस्त्याच्या कडेला लावलेल्या २६ वाहनांची तोडफोड केली. मंगळवारी (ता. २०) पहाटे साडेतीन वाजता हा प्रकार घडला होता. (Latest Marathi News)