ज्ञानेश्वर हिंगोलीकर, साम टिव्ही

Afzal Khan’s Scene in Ganesh Ustav Pune : पुण्यातून (Pune) एक मोठी बातमी समोर आली आहे. पुण्यात कोथरूड पोलिसांनी (Police) अखेर अफजलखान वधाच्या जिवंत देखाव्याला अखेर परवानगी दिली आहे. संगम गणेश मंडळाच्या वतीने या देखाव्यासाठी काही दिवसांपूर्वी परवानगी मागितली होती, मात्र पोलिसांकडून ती नाकारण्यात आली होती. यानंतर राज्यभरातून विविध प्रतिक्रिया उमटल्या होत्या. दरम्यान, आता पोलिसांनी या देखाव्याला परवानगी दिली आहे. (Pune Todays News)

काय आहे प्रकरण?

पुण्यातील संगम गणेश मंडळाच्या वतीने गणपती उत्सवात अफजल खान वधाच्या जिवंत देखाव्यासाठी परवानगी मागण्यात आली होती. कोथरूड पोलिसांकडे ही परवानगी मागण्यात आली होती. मात्र पोलिसांकडून परवानगी नाकारण्यात आली.

याविरोधात गणेश मंडळाच्या पदाधिकाऱ्यांनी आवाज उठवला. लोकशाही मार्गाने आंदोलन करण्याचा इशारा दिला होता. तसेच मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस यांच्यापर्यंत ईमेल द्वारे परवानगी मिळवण्यासंबंधीची विनंती केली होती. (Pune Police Latest News)

इतकंच नाही तर, परवानगी मिळावी यासाठी गणपती मंडळाचे कार्यकर्ते 26 ऑगस्टपासून उपोषणाला देखील बसले होते. जोपर्यंत परवानगी मिळत नाही, तोपर्यंत उपोषणाला सुरू ठेवू असा इशारा सुद्धा त्यांनी दिला होता.

दरम्यान, अफजल खान देखाव्याचा वाढता वाद पाहता, पुणे पोलिसांनी परवानगी नाकारण्याचे पत्र मागे घेतले असून संगम गणेश मंडळाला असा जिवंत देखावा करण्याची परवानगी अखेर देण्यात आली आहे.

Edited By - Satish Daud