सचिन जाधव, साम टीव्ही प्रतिनिधी

पुणे : बोपदेव घाट लैंगिक अत्याचार प्रकरणी मोठी अपडेट हाती आली आहे. या प्रकरणातील आरोपींची ओळख परेड करण्यात आली आहे. यावेळी पीडित तरुणी आणि तिच्या मित्राची उपस्थिती होती. या प्रकरणाच्या तपासाचा वेग पोलिसांनी वाढवला आहे.

मिळालेल्या माहितीनुसार, बोपदेव घाट अत्याचार प्रकरणातील येरवडा कारागृहामध्ये आरोपींची ओळख परेड, पीडित तरुणी आणि तिच्या मित्राची उपस्थिती होती. बोपदेव घाट सामूहिक अत्याचार प्रकरणाचा अटक केलेल्या दोन आरोपींची येरवडा मध्यवर्ती कारागृहामत स्वतंत्र चाचणी ओळख परेड घेण्यात आली. पीडित तरुणी आणि तिच्या मित्रांच्या उपस्थितीत दोन दिवस आरोपींची ओळख परेड घेण्यात आली.. या प्रकरणातील तिसरा आरोपी अद्याप फरार आहे. पोलीस त्याचा शोध घेत आहेत.

या प्रकरणातील मुख्य आरोपी अत्तर उर्फ बाबू शेख आणि त्याचा साथीदार चंद्रकुमार रवीप्रसाद कनोजिया यांच्या पोलीस कोठडीतील चौकशीसाठी पोलिसांचे अधिकार अबाधित ठेवून त्यांना न्यायालयीन कोठडी सुनावण्यात आली आहे. सध्या हे आरोपी येरवडा कारागृहात आहेत.

या गुन्ह्यातील तपासाचा भाग म्हणून त्यांची ओळख परेड घेण्यात आली. त्यामध्ये आरोपी सारखे असलेले बारा जण उभे करून त्यातून आरोपींची पटवण्यात आली. या प्रकरणातील पीडित तरुणी आणि तिचा मित्र यावेळी उपस्थित होते. पुणेसह राज्यात खळबळ उडून दिलेली आहे. ही घटना 3 ऑक्टोबर रोजी रात्री पावणे अकरा ते मध्यरात्री दीडच्या दरम्यान बोपदेव घाटातील टेबल पॉइंट येथे घडली होती.

पुण्यातील या घटनेने सर्वत्र खळबळ उडाली होती. या घटनेने महिला सुरक्षेचा प्रश्न ऐरणीवर आला. या घटनेवरून विरोधकांनी सत्ताधाऱ्यांवर टीका केली होती. आता या प्रकरणाचा पोलिसांनी जलद गतीने सुरु केला आहे.