नितीन पाटणकर, पुणे
लोकसभा निवडणुकीत उमेदवारांनी प्रचाराला सुरुवात केली आहे. लोकसभेच्या या निवडणुकीत उमेदवारांनी सभांचा धडाका लावला आहे. या लोकसभा निवडणुकीत अकोला मतदारसंघातील निवडणुकीकडेही सर्वांचं लक्ष लागलं आहे. या लोकसभा मतदारसंघाच्या निवडणुकीत मोठा ट्विस्ट आला आहे. या लोकसभा मतदारसंघात प्रकाश आंबेडकर यांच्या विरोधात तुषार गांधी मैदानात उतरले आहेत.
अकोला लोकसभा मतदारसंघात निवडणुकीत वेगळा ट्वीस्ट समोर आला आहे. या मतदारसंघात आंबेडकर विरुद्ध गांधी एकमेकांच्या समोर उभे ठाकले आहेत. प्रकाश आंबेडकर यांच्या विरोधात तुषार गांधी मैदानात उभे ठाकले आहेत.
डॉ. बाबासाहेब आंबेडकरांचे नातू प्रकाश आंबेडकर यांच्या विरोधात महात्मा गांधी यांचे पणतू तुषार गांधी मैदानात उभे ठाकले आहेत. 'वंचित बहुजन आघाडीला मतदान कर नका. प्रकाश आंबेडकर आणि त्यांच्या उमेदवारांना मतदान करू नका, असं आवाहनही तुषार गांधी यांनी केला आहे. वंचित भाजपची बी टीम, एमआयएम देखील भाजपची बी टीम आहे, असा तुषार गांधी यांचा आरोप आहे.
महाराष्ट्रातील मतदारांना आवाहन करण्यासाठी तुषार गांधी यांच्याकडून प्रोग्रेसिव महाराष्ट्र मंचची स्थापना केली. महाविकास आघाडीला मतदान करा, महायुतीला मतदान करु नका हे आवाहन करण्यासाठी प्रोग्रेसिव महाराष्ट्राची स्थापना करण्यात आली आहे. अनेक सामाजिक कार्यकर्ते, साहित्यिक , चित्रपट कलावंत यांचा प्रोग्रेसिव महाराष्ट्राच्या भूमिकेला पाठिंबा आहे.
तुषार गांधी या मंचाच्या माध्यमातून राज्यभर फिरुन मतदारांना आवाहन करणार आहेत. तसेच सोशल मीडियावरुन मतदारांना आवाहन करणार आहेत. महायुती बरोबरच वंचित, एमआयएमला देखील मतदान न करण्याचे आवाहन करणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.