>> संजय गडदे

Mumbai News: मुंबईत दहीहंडी आणि गणेशोत्सवाच्या तयारीला सुरुवात झाली आहे. याच भव्य दिव्य आणि देशभरात चर्चा असलेल्या मुंबईच्या दहीहंडी आणि गणेशोत्सवाच्या बैठकींना देखील सुरुवात झाली आहे.

पुढील काही दिवसात येऊ घातलेले दहीहंडी उत्सव, गणेशोत्सव आणि ईद-ए-मिलाद या सणांच्या तयारीसाठी बुधवारी परिमंडळ दहाच्या वतीने बैठकीचं आयोजन करण्यात आलं होतं. (Latest Marathi News)

या बैठकीत दहीहंडी मंडळ आयोजक गणपती मंडळ आणि ईद-ए-मिलाद साजरा करणाऱ्या संस्थांच्या पदाधिकाऱ्यांना मार्गदर्शन करण्यात आले. परिमंडळ 10 चे डीसीपी दत्तात्रय नलावडे यांनी उपस्थित दहीहंडी आयोजक गणेशोत्सव मंडळ आणि साजरी करणाऱ्या संस्थांच्या पदाधिकाऱ्यांना मार्गदर्शन केले.

या सर्वांमध्ये समन्वय साधण्यासाठी या बैठकीचे आयोजन करण्यात आले होते. यावेळी आयोजक आणि मंडळांकडून काही सूचना देखील करण्यात आल्या यावर मार्ग काढण्यासाठी या बैठकीचा आयोजन करण्यात आले होते.