Thane Crime News : ठाणे जिल्ह्यातील मुरबाडमधून (Murbad Thane) धक्कादायक बातमी समोर आली आहे. पोलिसाने ऑन ड्युटी असताना इमारतीवरून उडी घेऊन आयुष्य संपवल्याचं समोर आलेय. याप्रकारामुळे परिसरात एकच खळबळ उडाली असून मुरबाड पोलिसांची (Police News) चर्चा ठाण्यात होत आहे. पोलिसाने इमारातीवरून उडी घेऊन आयुष्य का संपवलं? याचा तपास सध्या सुरू आहे. अद्याप ठोस असं कोणतेही कारण समोर आलेले नाही.

मिळालेल्या माहितीनुसार, ठाण्यातील मुरबाड पोलीस ठाण्यात कार्यरत असलेले पोलीस हवालदार नामदेव चारस्कर यांनी इमारतीवरून उडी मारून आयुष्य संपवले. रविवारी रात्री आठ वाजण्याच्या सुमारास त्यांनी टोकाचे पाऊल उचलले. कामावर असतानाच असा टोकाचा निर्णय का घेतला? याबाबत परिसरात चर्चा सुरू आहे. मुरबाड पोलिसांत या घटनेमुळे एकच खळबळ उडाली आहे. पोलिसांकडून या घटनेचा तपास सुरु आहे.

नामदेव चारस्कर यांनी कामावर असताना टोकाचे पाऊल उचललं, पोलीस ठाण्याच्या बाजूला असलेल्या पोलीस वसाहतीच्या इमारतीत ते राहत होते. या इमारतीच्या गच्चीवरून त्यांनी रात्री साडे आठ वाजताच्या सुमारास उडी मारून आयुष्य संपवलं. त्यांच्या आत्महत्या मागचं नेमकं कारण समजू शकले नाही, मात्र या घटनेने पोलीस दलात खळबळ उडाली आहे. नामदेव चारस्कर यांनी आयुष्य संपवलं की त्यांची कुणी हत्या केली? याबाबत परिसरात चर्चा सुरू आहे.