डोंबिवली : विष्णुनगर पोलिसांनी दोन सराईत मोटारसायकल चोरांना अटक केली असून त्यांच्याकडून 9 मोटरसायकल (Two Wheeler) हस्तगत केल्या आहेत. दिलीप शांताराम पाटील (25) आणि रोहित अविनाश यादव (31) अशी अटक आरोपींची (Accused) नावे आहेत. डोंबिवली (Dombivli) पश्चिमेतील दीनदयाळ रोडवरून मोटारसायकल चोरीला गेल्याची घटना 4 नोव्हेंबरला घडली होती.

हे देखील पाहा :

याप्रकरणी विष्णुनगर पोलीस ठाण्यात गुन्हा दाखल करण्यात आला होता. तपासात पोलिसांच्या हाती सीसीटीव्ही फुटेज लागले होते. यामध्ये दोन चोरटे मोटारसायकल ढकलून नेत असल्याचे दिसून आले. सहाय्यक पोलीस निरीक्षक गणेश वडणे यांच्यासह पोलीस शिपाई भामरे, मिसाळ पोलीस हवालदार पाटणकर, पोलीस नाईक सांगळे, लोखंडे, कागूंने पथकाने त्या अनुषंगाने तपास करत चोरटा दिलीप याची माहिती मिळवली.

तांत्रिक विश्लेषणाच्या आधारे शोध घेत त्याला जळगाव मधून अटक करण्यात आली. त्याच्याकडून त्याचा साथीदार रोहित याची माहिती घेत कल्याण पूर्व चिंचपाडा येथून अटक केली. त्यांनी गुन्ह्याची कबुली दिली असून त्यांच्याकडून चोरीस गेलेल्या 9 मोटारसायकल हस्तगत करण्यात आल्या आहेत.

Edited By : Krushnarav Sathe