सचिन जाधव, साम प्रतिनिधी

पुणे महानगर परिवहन महामंडळ लिमिटेड (पीएमपीएमएल) आपल्या ताफ्यात आणखी बसेस वाढवणार आहे. डिझेलच्या बसेस कमी करण्याचे धोरण आखत पीएमपीएमएल आपल्या ताफ्यात पुढील सहा महिन्यात १२०० इलेक्ट्रिक बस येणार आहेत. पुढील तीन महिन्यात डिझेल बसेसची संख्या शून्यवर आणणार आहोत. डिझेल बस कमी करणारे पुणे हे पहिले पीएमपीएमएल शहर असेल, अशी माहिती पीएमपीएमएलचे सीएमडी पंकज देवरे यांनी दिलीय.

अपघाताचे वाढते प्रमाण पाहता दक्षता घेण्यात येणार आहे. बसेसमध्ये अत्यावश्यक सुधारणा करण्यात येणार आहे. त्यामुळे पीएमपीएमएलचा प्रवास सुरक्षित आणि सोयीस्कर होईल याचीही ग्वाही देवरे यांनी दिलीय.बसेसमध्ये सुरक्षा वाढवण्यात येणार आहे. सुरक्षेसाठी पीएमपीएलमधील सीसीटीव्ही २४ तास चालले पाहिजे, यासाठी सांगितले आहे.

बस डेपो मधून बाहेर जाईल त्यावेळी १५ चेकलिस्ट बसची केली जाईल. त्यानंतर जर ब्रेकडाऊन झाले तर, ब्रेक डाऊन कमी करण्यासाठी ड्रायव्हर आणि डेपो मेंटेनन्स इंजिनिअर यांना जबाबदार धरून त्याचे अर्ध्या दिवसाचे वेतन कपात करणार, त्यामुळे आपण आता झिरो ब्रेकडाऊन पॉलिसी राबवणार असल्याची माहितीही पंकज देवरे यांनी दिलीय.

पीएमपीएमएलकडे आधी दोन हजार बसेस आहेत. त्यात १२०० बसेस जोडण्यात आल्यातर पुणेकरांना सेवा चागल्या मिळतील. पुण्यात हायड्रोजन बस सुरू करण्याचा प्रयत्न प्रायोगिक तत्त्वावर होणार आहे. पीएमपीएलकडे सध्या सुस्थितीत २ हजार ५८ बस आहेत. यापैकी स्वमालकीच्या ८०५ भाडेतत्त्वावरील १ हजार २५३ बस पुणे शहरात पुणेकरांसाठी सुविधा देत आहेत. दरम्यान मगरपट्टा, हिंजवडी, खराडी इतर परिसरात रहदारी जास्त आहे.

तेथे प्रायोगिक तत्त्वावर डबल डेकर बस चालवण्यात येणार आहे. पर्यटन सेवा वाढवणार यासाठी आपली पीएमपीएम अँप सुरू केले जाणार आहे. पीएमपीएमएल तोट्यात आहे, त्यामुळे फुकट प्रवास करू नका. फुकट प्रवास करणाऱ्यांकडून ५०० ते १००० रुपयांचा दंड घेतला जातो. महिला सुरक्षेसाठी पीएमपीएल सीसीटीव्ही, दामिनी पथक यांच्या माध्यमातून सुरक्षा केली जाईल, असेही पंकज देवरे यांनी सांगितले आहे.