पुण्यात पीएमपीएल बस चालकाची मुजोरी पाहायला मिळाली आहे. पी एम पी बस चालकाने एका व्यक्तीला शिवीगाळ करत कानशिलात मारल्याची घटना घडली आहे. या घटनेचा विडिओ सोशल मीडियावर तुफान व्हायरल झाला आहे. या घटनेनंतर नागरिकांनी संताप व्यक्त केला आहे. तसेच या चालकावर लवकरात लवकर कारवाईची मागणी होत आहे.

मिळालेल्या माहितीनुसार, भेकराई नगर ते भोसरी या बसच्या बसचालकाने एका व्यक्तीला शुल्लक कारणावरून शिवीगाळ करण्यात केली. या वेळी दोघांमध्ये वाद झाले. या वादाचा भडका इतका वाढला की बस चालकाने थेट बस मधून उतरत या व्यक्तीला कानशिलात लगावली. या झटापटीत अज्ञात व्यक्तीचा चष्मा तुटला.

बस चालक येवढ्यावरच न थांबता त्याने अज्ञात व्यक्तीला मारहाण सुरूच ठेवली. या घटनेचा व्हिडिओ सोशल मीडियावर व्हायरल झाला आहे. व्हायरल झालेल्या व्हिडिओमुळे पी एम पी बस चालकाच्या विरोधात जोरदार टीका होत आहे. या घटनेने नागरिकांमध्ये संतापाची लाट उसळली आहे.

या घटनेचा व्हिडिओ सोशल मीडियावर तुफान व्हायरल होत आहे. दरम्यान नागरिकांनी या बसचालकावर कडक कारवाईची मागणी केली आहे. आता पीएमपीएल बस चालकाला शिक्षा होणार का ? हे पाहणं महत्त्वाचं ठरेल.