पुणे: सिंध सोसायटीसमोरील पुणे मेट्रो (Pune Metro) मार्गाला अडथळा ठरणारी पाण्याची लाईन बदलण्याचे काम गुरुवारी म्हणजेच 21 एप्रिल रोजी करण्यात येणार असल्याने पुण्यातील काही भागात पाणीपुरवठा बंद राहणार आहे.

औंध गावठाण, आयटीआय रोड, स्पायसर कॉलेज परिसर, औंध रोड, बोपोडी गावठाण, मुंबई-पुणे रोड, भोईटे वस्ती सानेवाडी, आनंद पार्क, दर्शन पार्क, डी-मार्ट परिसर, बाणेर फाटा ते महाबळेश्वर हॉटेल, वर्षा पार्क, माऊली मंगल कार्यालय परिसर इतर. वरील सर्व भागांना शुक्रवारी कमी दाबाने पाणीपुरवठा सुरू होण्याची शक्यता आहे, असे पाणीपुरवठा विभाग, पीएमसीचे मुख्य अभियंता यांनी प्रसिद्धी पत्रकात म्हटले आहे. (No Water Supply In Aundh, Baner, Bopodi On Thursday)

दरम्यान पुण्यात सध्या मेट्रोचे काम वेगात सुरु आहे. पुणे मेट्रोच्या पहिल्या मार्गीकेचे उद्घाटन पंतप्रधान नरेंद्र मोदींच्या हस्ते झाले होते. त्यांनी मेट्रोमधून प्रवास देखील केला होता. आता औंध-बानेर रोडला मेट्रोच्या कामाला वेग आला आहे. वाहनांची वाहतूक ही वन वे करण्यात आली आहे. आगामी दोन ते तीन वर्षात या मार्गावरुन नागरिकांना मेट्रोचा आनंद घेता येणार आहे.

Edited By: Pravin Dhamale