- सचिन जाधव

खडकवासला धरणात असलेले पाणी पुणे महापालिकेसाठी जुलै अखेरपर्यंत राखीव ठेवण्यात आले आहे. यामुळे तूर्तास पाणी कपातीचा निर्णय पुढे ढकलण्यात यावा असा सूर महापालिकेच्या बैठकीत आळवला गेला. त्यास मान्यता मिळाल्याने पुणे शहरावर असलेले पाणीकपातीचे संकट टळलं आहे. दरम्यान नागरिकांनी पाणी जपून वापरावे असे आवाहन महापालिकेने केले आहे. (Maharashtra News)

पुणे शहराला पाणीपुरवठा करणाऱ्या खडकवासला धरणसाखळीत अवघा साडेसहा टीएमसी पाणीसाठा शिल्लक आहे. त्यामुळे पाऊस लांबल्यास पुढील काही महिन्यांत पाण्याची गंभीर स्थिती निर्माण होण्याची शक्यता वर्तवली जात हाेती.

या सर्व गाेष्टी लक्षात घेऊन धरणातील पाण्याचा आढावा महापालिकेत झालेल्या बैठकीत घेण्यात आला. या धरणातील पाणी महापालिकेसाठी जुलै अखेरपर्यंत राखीव ठेवण्यात आले असल्याने तूर्तास पाणीकपातीचा निर्णय लांबणीवर पडला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या बैठकीत पाणी कपातीची गरज नसल्याचा निष्कर्ष काढण्यात आला. त्यामुळे शहरावर असलेले पाणीकपातीचे संकट टळले आहे.

Edited By : Siddharth Latkar