सिद्धेश म्हात्रे, साम टीव्ही

नवी मुंबई : नवी मुंबईत दोन गटात तुफान हाणामारी झाल्याची घटना घडली आहे. नवी मुंबईतील खारघरच्या ओवे गावातील उरुसमध्ये दोन गटात तुफान हाणामारीची झाली. कचरा फेकण्यावरून हा वाद टोकाला गेला. त्यानंतर उरुसदरम्यान दोन गटात तुंबळ हाणामारी झाली. या दोन गटात तुफान हाणामारी झाल्याचा व्हिडिओ आता समोर आला आहे. या प्रकरणी खारघर पोलिसांत गुन्हा दाखल झाला आहे.

मिळालेल्या माहितीनुसार, नवी मुंबईच्या खारघरमधील बाबा अमीर शाह दर्ग्यावर उरुसचं आयोजन करण्यात आलं होतं. या उरुसदरम्यान पूर्व वैमन्यस्यातून दोन गटात तुफान हाणामारी झाल्याची घटना समोर आली आहे. या घटनेचा हाणामारीचा व्हिडिओ समोर आला आहे. या दर्ग्यासमोरच जोरदार हाणामारी झाली. यावेळी काहींनी खुर्च्यांची तोडफोड केली. या प्रकरणी खारघर पोलीस ठाण्यात गुन्हा नोंदवण्यात आला आहे. क्षुल्लक कारणावरून हा वाद झाल्याचे समोर आले आहे.

काय आहे प्रकरण?

नऊ महिन्यापूर्वी तक्रारदाराच्या चुलत भावाच्या जागेवर कचरा टाकल्यामुळे हटकल्याचा राग आरोपींनी मनात ठेवला. त्यानंतर खारघरमधील आयोजित उरूसात आरोपींनी तक्रारदारांच्या चुलत भावाला जाणीवपूर्वक हटकले. त्यानंतर आरोपींनी मारहाण करण्यास सुरुवात केली. याबाबत आता खारघर पोलीस अधिक तपास करत आहेत.

व्हिडिओमध्ये काय दिसत आहे?

खारघरमध्ये एका उरुसचं आयोजन करण्यात आलं होते. या उरुससाठी मोठ्या प्रमाणात लोक जमले होते. उरसमध्येच पूर्व वैमन्यस्यातून दोन गटात हाणामारी झाली. दोन्ही गटात काही ज्येष्ठ नागरिकांचा समावेश असल्याचं पाहायला मिळत आहे. काही जण वाद सोडवताना दिसत आहे. दोन्ही गटातील लोक एकमेकांना शिवीगाळ करताना दिसत आहेत. उरुससाठी तरुण मंडळींनी मोठ्या प्रमाणात हजेरी लावली होती. वाद टोकाला गेल्यानंतर दोन्ही गटातील लोकांनी एकमेकांवर खुर्च्यांची फेकाफेक केली. दोन गटाच्या वादानंतर दर्गा परिसरात एकच खळबळ उडाली.