नवी मुंबई ते मुंब्रा जोडण्यासाठी एक नवीन प्रकल्प सुरु होणार आहे. कटाई नाका ते मुंब्रा असा ६.७१ किमी लांबीच्या उन्नत प्रकल्पाला परवानगी मिळाली आहे. किनारपट्टी क्षेत्र नियमनासंबंधीची परवानगी मिळाली आहे. या प्रकल्पात खारफुटीचा काही भाग आहे. एमएमआरडीएने हा प्रकल्प हाती घेतला आहे.

नवी मुंबई ते मुंब्रा जोडले जाणार (Navi Mumba-Mumbra New Road)

नवीन मुंबईसह, मुंब्रा, डोंबिवली, शीळ फाटा या परिसरात नेहमी वाहतूक कोंडी असते. त्यामुळे वाहनधारकांना वाहतूक कोंडीपासून सुटका होणार आहे. यासाठी ऐरोली ते मुंब्रा असा विशेष मार्ग तयार करण्यात येणार आहे. यासाठी एमएमआरडीएने प्रकल्प हाती घेतला आहे. या मार्गामुळे ठाणे- नवी मुंबई, पुढे बदलापूर, कल्याण डोंबिवलीतीलदेखील वाहतूक कोंडी दूर होणार आहे. यामुळे थेट मुंब्र्यावरुन नवी मुंबईला जाता येणार आहे.

मुंब्रा-कटई नाका (Airoli Katai Naka To Mumbra Road)

या मार्गाचा विस्तार करण्यासाठी मुंबई-काटई नाका उन्नत मार्गाचे नियोजन केले जाणार आहे. देसाई खाडीवरून जाणाऱ्या या मार्गाला आता महाराष्ट्र किनारपट्टी क्षेत्र व्यवस्थापन प्राधिकरणाने परवानगी दिली आहे. या प्रकल्पाची ५७० चौरस फीट जागा या ठिकाणी आहे. एकूण १६ हजार २७९.९१ चौरस मीटर क्षेत्राचा समावेश आहे. त्यातील १५८.२१ चौरस मीटर खारफुटीचा भाग आहे.

दीड तासांचा प्रवास आता १५ मिनिटांत होणार (Travel Time Cut To 15 Minutes)

या मार्गामुळे सर्वसामान्यांना फायदा होणार आहे. त्यांचा प्रवास अधिक सोयीस्कर होणार आहे. ऐरोली ते काटई नाका हा प्रवास दीड तासांवरुन १५ मिनिटांत होणार आहे. यामुळे बदलापूर आणि मुरबाड या दिशेने जाणाऱ्यांनाही फायदा होणार आहे. ठाणे-बेलापूर, महापेड, शीळ फाट्यावरील वाहतूक कोंडी दूर होणार आहे.