मुंबई बडोदा एक्सप्रेसवेवर अजून एक नवीन रस्ता बांधण्याची योजना आहे. थेट जवाहरलाल नेहरु बंदराशी (जेएनपीए) वाहनांना जोडण्यासाठी नवीन १४ किलोमीटरचा रस्ता बांधण्याची योजना भारतीय राष्ट्रीय महामार्ग प्राधिकरण करत आहे. हा नवीन रस्ता मोरबे ते कळंबोळीमार्गे तळोपर्यंत जाणार आहे. विरार अलिबाग कॉरिडॉरवरील विलंबामुळे एनएचआयने हे काम सुरु केले आहे.

मोरबे ते कळंबोळीमार्गे तळोजापर्यंत नवीन रस्ता

तलासरी ते मोरबेपर्यंत रस्ता बांधला जात आहे. याचे काम ७० टक्के पूर्ण झाले आहे. हा रस्ता बदलापूरजवळील मोरबे येथून जाऊन माथेरानला थांबणार आहे. जिथे एनएचआयने एक बोगदा खोदला आहे. त्याचे काम पूर्ण झाले आहे. हा रस्ता पुढे जेएनपीएपर्यंत वाढवण्याची अपेक्षा आहे.

महाराष्ट्र राज्य रस्ते विकास महामंडळाने विरार- अलिबाग कॉरिडॉरअंतर्गत २१ किलोमीटरचा रस्ता बांधण्याची योजना आहे. एमएसआरडीसीला हे काम पूर्ण करण्यासाठी विलंब होत आहे. यामुळे प्रकल्प रखडला आहे. म्हणूनच एनएचआयने आता एमएसआरडीसीवर अवलंबून न राहता हा १४ किमीचा रस्ता बांधण्याच्या प्रकल्पास सुरुवात केली आहे.

प्रकल्प नेमका आहे तरी काय? (Morbe-Kalamboli 14km Link Road)

MSRDC ने मोरबे ते करंजाळे असा २१ किमी रस्ता अलिबागपर्यंत बांधण्याची योजना आखली आहे. दरम्यान, यासाठी वेळ लागत आहे. त्यामुळे NHAI ने करंजाळेऐवजी कंळबोळीपर्यंत रस्ता बांधण्याची योजना आखली आहे. हा रस्ता दोन ते तीन किमी लांब असणार आहे. मोरबे ते तळोजा येथील बोगद्यातून बाहेर पडणाऱ्या वाहनांना या रस्त्याची आवश्यकता असणार आहे. हा रस्ता एमआयडीसीला जोडला जाईल.त्यामुळेच १४ किमी लांब रस्ता बांधण्यापेक्षा एनएचआयने एमआयडीसीतील रस्त्याला मंजुरी दिली आहे. यामुळे या संपूर्ण रस्त्याचा खर्च १०० कोटींपर्यंत जाईल.