मनोज तांबे, साम टीव्ही

नालासोपाऱ्यात अल्पवयीन मुलीवर दोन अल्पवयीन मुलांनी सामूहिक अत्याचार केल्याची धक्कादायक घटना समोर आली आहे. आरोपींनी पीडित मुलीला आमिष दाखवून तिच्यावर अत्याचार केल्याचा आरोप आहे. अत्याचारानंतर आरोपींनी पीडितेचा अश्लील व्हिडिओ रेकॉर्ड करून सोशल मीडियावर व्हायरल केल्याने ही घटना उघडकीस आली. या प्रकरणी तुळींज पोलिस ठाण्यात दोन अल्पवयीन आरोपींविरोधात सामूहिक अत्याचाराचा गुन्हा दाखल करण्यात आला आहे. पोलिसांनी दोन्ही आरोपींना अटक केली असून ते अल्पवयीन असल्याने त्यांना भिवंडी येथील बालसुधारगृहात रवाना करण्यात आले आहे. या प्रकरणाचा पुढील तपास तुळींज पोलिस करत आहेत.