आगामी स्थानिक स्वराज्य संस्थेच्या निवडणुकीच्या पार्श्वभूमीवर ठाण्यात महायुती विरोधात महाविकास आघाडी आणि मनसे एकत्र येण्याची शक्यता निर्माण झालीय. आणि याला कारण ठरलयं... मविआ आणि मनसे नेत्यांची जितेंद्र आव्हाडांच्या निवासस्थानी झालेली बैठक... या बैठकीचा व्हिडिओ स्वत: जितेंद्र आव्हांनी पोस्ट करत ठाण्यातील नागरी समस्यांबाबत चर्चा झाल्याची माहिती दिली...या बैठकीला ठाकरेसेनेचे माजी खासदार राजन विचारे,मनसेचे जिल्हाध्यक्ष अविनाश जाधव आणि काँग्रेसचे जिल्हाध्यक्ष विक्रांत चव्हाणही उपस्थित होते...

दरम्यान ठाण्यात महायुतीविरोधात मविआ आणि मनसे कोणत्या मुद्द्यावर स्थानिक स्वराज्य संस्थांच्या निवडणुकीला समोरे जाणार? मविआची रणनिती काय असेल? पाहूयात...

ठाण्यात रस्त्यावरील वाहतुक कोंडी आणि पाणीटंचाई या प्रमुख समस्या आहे. या समस्यांविरोधात विरोधी पक्ष सत्ताधाऱ्यांविरोधात एकत्र येणार. तसचं ठाण्यातील भ्रष्टाचाराविरोधात मविआ आणि मनसे आक्रमक भूमिका घेणार. मनसे आणि महाविकास आघाडी जनतेच्या प्रश्नांसाठी जनआंदोलन उभारून जनमत मिळवण्याचा प्रयत्न करणार. vv

मनसे आणि ठाकरेसेनेची अद्याप अधिकृत युती झालेली नाही. अशातच ठाण्यात मविआसोबत मनसेचे पदाधिकारी एकत्र आल्यानं मनसे आणि महाविकास आघाडी यांच्यातील युतीचा हा श्रीगणेशा असल्याची चर्चा रंगलीय.

दरम्यान कल्याणमध्ये काही दिवसांपूर्वी नागरी प्रश्नावरुन ठाकरे सेना आणि मनसेने मिळून आंदोलन केलं होतं. त्यामुळे मनसेचे पदाधिकारी ठाकरेसेनेसोबत मविआतील इतर घटकपक्षांसोबत युतीसाठी सकारात्मक असल्याचं पाहायला मिळतयं..त्यामुळे मुंबईपाठोपाठ ठाण्याचा गड जिंकण्यासाठी विरोधक एकत्र येऊन महायुती समोर कसं आव्हान उभं करणार याकडे राजकीय वर्तुळाचं लक्ष आहे.