Vande Bharat Express derailment Pune latest update : पुण्यात रुळावरून घसरलेली वंदे भारत एक्स्प्रेस (Vande Bharat Express) अखेर रात्री अडीच वाजताच्या सुमारास पुन्हा रुळावर आणण्यात रेल्वे प्रशासनाला यश आले. सोमवारी रात्री सोलापूरकडे जाणाऱ्या वंदे भारत एक्सप्रेसचे ३ डब्बे पुण्यात रूळावरून घसरले होते. त्यामुळे रेल्वे वेळापत्रक कोलमडले होते. आजही अनेक गाड्या उशिराने धावत आहेत. त्यामुळे प्रवाशांना चांगलाच मनस्ताप सहन करावा लागत आहे.

नेमकी घटना काय?

सोमवारी रात्री पुण्याजवळ वंदे भारत एक्स्प्रेसचे चाक रुळावरून घसरल्याने मोठी खळबळ उडाली होती. या अपघातामुळे पुणे-मुंबई मार्गावरील वाहतूक पूर्णपणे ठप्प झाली होती. रेल्वे कर्मचाऱ्यांनी युद्धपातळीवर काम करून रात्री साधारण अडीच ते तीनच्या सुमारास ही ट्रेन पुन्हा रुळावर आणली.

रेल्वे वेळापत्रकावर परिणाम (Railway Schedule Impact)

डेक्कन क्वीन (Deccan Queen) आणि प्रगती एक्स्प्रेस (Pragati Express) आज सकाळी १५ ते २० मिनिटे उशिराने धावत आहेत. रात्री अनेक गाड्यांना कर्जत (Karjat), लोणावळा (Lonavala) आणि खडकी (Khadki) स्थानकांवर दोन ते तीन तास रोखून धरावे लागले होते. इतर लांब पल्ल्याच्या गाड्यांचे वेळापत्रकही यामुळे 'रिशेड्युल' (Rescheduled) करावे लागले आहे.

पुण्यात प्रवाशांचा खोळंबा :

अचानक झालेल्या या बदलामुळे प्रवाशांना मोठा मनस्ताप सहन करावा लागला. मध्यरात्री स्थानकांवर गाड्या थांबून राहिल्याने ज्येष्ठ नागरिक आणि मुलांचे हाल झाले. रेल्वे प्रशासनाने आता परिस्थिती नियंत्रणात असून इतर गाड्या वेळेवर धावत असल्याचा दावा केला असला तरी मुख्य गाड्यांच्या विलंबामुळे प्रवाशांमध्ये नाराजी आहे.

रेल्वे प्रवाशांचे हाल :

रेल्वे स्थानकावर प्रवाशांची मोठी गर्दी (Passenger Rush) झाली आहे. अनेक प्रवाशांना प्लॅटफॉर्मवरच बसून किंवा झोपून गाडीची प्रतीक्षा करावी लागत आहे. लहान मुले आणि वृद्ध प्रवाशांचे यामुळे मोठे हाल होत असल्याचे चित्र पाहायला मिळत आहे. रेल्वे प्रशासनाकडून वाहतूक पूर्वपदावर आणण्याचे प्रयत्न सुरू आहेत.