मुंबई आणि पुण्याचा प्रवास आता आणखी वेगवान होणार आहे. मुंबई-पुणे या दोन शहरांमद्ये नवी हायस्पीड रेल्वे कॉरिडॉरची घोषणा अर्थमंत्री निर्मला सीतारामन यांनी केली आहे. या कोरिडॉरचे काम पूर्ण झाल्यानंतर मुंबई-पुणे या दोन शहरातील ट्रेन वेळेवर धावणार आहेत.

मुंबई-पुणे हायस्पीड ट्रेन कॉरिडोर उभारणार (Mumbai Pune High Speed Corridor)

अर्थसंकल्पीय भाषणावेळी निर्मला सीतारामन यांनी मोठ्या घोषणा केल्या. त्यामध्ये देशात ७ नवीन हायस्पीड रेल्वे कॉरिडॉर होतील, असे सांगितले. त्यामध्ये मुंबई-पुणे, पुणे हैद्राबाद या दोन कॉरिडॉरचा समावेश आहे. कॉरिडॉर तयार झाल्यानंतर मुंबई-पुणे या दोन शहरातील प्रवास अधिक वेगात होणार आहे. महाराष्ट्रातील पहिली सेमी हायस्पीड ट्रेन कॉरिडोर पुण्याला मिळणार आहे. यामुळे संपूर्ण महाराष्ट्रातील प्रवास सुसाट होणार आहे. याचसोबत इतर राज्यांनादेखील जोडले जाणार आहे.

कोण कोणते ७ हायस्पीड रेल्वे कोरिडॉरची घोषणा? (7 New High Speed Train Corridor)

मुंबई पुणे हायस्पीड

पुणे हैदराबाद

हैदराबाद-बंगळुरु

हैदराबाद-चेन्नई

चेन्नई-बंगळुरु

दिल्ली-वाराणसी

वाराणसी सिल्लीगुरी

२० नवीन जलमार्ग बांधणार

पुढील ५ वर्षात देशात २० नवीन जलमार्ग बांधण्यात येणार आहे. यामध्ये जहाजबांधणीसाठी नवीन जलमार्ग बांधले जाणार आहेत. वाराणसी, पाटण्यात जहाजबांधणी केंद्र उभारणार आहे. ओडिशात नवे २२ जलमार्ग सुरु करणार असल्याची घोषणा केली आहे.