Pune News : पुणे-मुंबई एक्सप्रेस वे वरील वाहतूक तब्बल साडेतीन तासांनंतर सुरु झाली आहे. महामार्गावर दरड कोसळल्यानंतर वाहतूक बंद करण्यात आली होती. वाहतूक सुरळीत करण्यासाठी दरड हटवण्याचे काम युद्धपातळीवर करण्यात आले.

यादरम्यान मुंबई-पुणे  एक्सप्रेस वे बंद ठेवण्यात आला होता. तब्बल साडेतीन तासांनंतर एक्सप्रेस हायवेवरील मुंबईच्या दिशेने जाणारी वाहतूक सुरू करण्यात आली. मात्र साडेतीन तास एक्सप्रेस हायवे बंद असल्याने वाहनांच्या मोठ्या रांगा लागल्याचे चित्र पाहायला मिळाले.

रविवारी रात्रीच्या सुमारास महामार्गावरील आडोशी बोगद्याजवळ दरड कोसळली होती. त्यामुळे मुंबईकडे जाणाऱ्या तिन्ही लेन बंद करण्यात आल्या होत्या. त्यानंतर पहाटे अडीचपर्यंत दरड हटवण्यात आली होती. त्यानंतर दोन लेन सुरू करण्यात आल्या होत्या.

मात्र एका लेनवरील दरड हटवण्यासाठी प्रशासनाने दुपारी १२ ते २ या वेळी महामार्ग बंद ठेवण्याचा निर्णय घेण्यात आला होता. दरम्यान पुण्याहून मुंबईकडे येताना चिवळे पॉइंट येथून जुन्या मुंबई-पुणे महामार्गाकडे वाहतूक वळवण्यात आली होती.