मिसिंग लिंकच्या बोगद्याजवळ सांडलेल्या रक्ताच्या व्हायरल व्हिडिओची बातमी १ मेला साम टीव्हीनं दाखववल्यानंतर मोठी खळबळ माजली होती. आता या प्रकरणानं धक्कादायक वळण घेतलंय. याठिकाणी गो हत्या झाल्याची तक्रार करण्यात आलीय. या तक्रारीचे पुरावेच साम टीव्हीच्या हाती लागले आहेत.

अॅड. योगेश खांडके यांनी २७ मार्चलाच ही तक्रार दाखल केली. त्यानंतर याबाबत पाठपुरावा करूनही पोलिसांनी गुन्हा दाखल केलेला नसल्याचा आरोप तक्रारदार खांडकेंनी केलाय. तक्रारदार खांडकेंशी साम टीव्हीनं संवाद साधल्यानंतर त्यांनी आम्हाला काय सांगितलं ते पाहूयात.

ऐकलंत. मात्र आम्ही 1 मेला या प्रकरणी खोपोली पोलीस स्टेशनमधल्या पोलिसांची भेट घेऊन त्यांना याबाबत विचारलं असता त्यांनी काय सांगितलं ते पाहा. तक्रार दारानं जर 27 मार्चला तक्रार केली होती आणि २८ मार्चला कारवाईची मागणी केली होती तर मग पोलिसांनी या प्रकरणी तक्रारदारानं तक्रार दिली नाही असं का म्हटलं आणि अशी कुठलीच घटना घडली नसल्याचा दावा पोलिसांनी कसा केला.

या तपासात पोलिसांच्या हाती काय लागलं? पोलिस तपासात नेमकं काय समोर आलं याचा खुलासा पोलिसांनी का केला नाही? पोलीस या प्रकरणी कारवाईची टाळाटाळ करत आहेत का? असे गंभीर प्रश्न निर्माण झाले आहेत.