दिलीप कांबळे, साम टीव्ही

Mumbai-Pune Expressway Accident : मुंबई - पुणे एक्स्प्रेस वे दिवसेंदिवस मृत्यूचा सापळा बनाताना पहायला मिळत आहे. आज पुन्हा एकदा मुंबई पुणे द्रुतगती महामार्गावर भीषण अपघात झाला आहे. कोळशाने भरलेल्या ट्रकला भरधाव वेगात जाणाऱ्या कारने जोरदार धडक दिली या धडकेत तीन जणांचा जागीच मृत्यू झाला. (Latest Marathi News)

अपघाताची माहिती मिळताच, स्थानिकासह पोलिसांनी तातडीने घटनास्थळी धाव घेतली. हा अपघात (Accident) इतका भीषण होता की, तीनपैकी फक्त एकाच मृतदेहाची ओळख पटली. विजय विश्वनाथ खैर,रा.सातारा असं मृत्युमुखी पडलेल्या व्यक्तीचे नाव असून इतर दोन जणांची ओळख पटवणे सुरू आहे.

दरम्यान, पोलिसांनी (Police) तिघांचे मृतदेह ताब्यात घेतले असून शवविच्छेदनासाठी पाठवले आहे. अपघातानंतर महामार्गावर वाहनांच्या लांबच लांब रांगा लागल्या होत्या. पोलिसांनी यंत्रणाच्या मदतीने वाहने बाजूला करून वाहतूक सुरळीत केली.

मिळालेल्या माहितीनुसार, उर्से गावच्या परिसरात शु्क्रवारी पहाटेच्या सुमारास हा अपघात झाला. अपघाग्रस्त कार ही मुंबईहून पुण्याच्या दिशेने येत होती. त्याचवेळी महामार्गावरून एक कोळशाने भरलेला ट्रक जात होता. दरम्यान, भरधाव वेगात असलेल्या कारने या ट्रकला पाठीमागून जोरदार धडक दिली. या भीषण अपघातात कारचालकासह दोन जणांचा जागीच मृत्यू झाला.

Edited By - Satish Daud